Qostanaıda akvapark ǵımaratyn jóndeýge 10 mlrdqa jýyq memlekettik qarajat jumsaý josparlanyp otyr, dep habarlaıdy Dalanews.kz.
“Tapsyrys berýshi – Qostanaı oblysy ákimdiginiń qurylys, sáýlet jáne qala qurylysy basqarmasy; nysan ataýy – turǵyn emes ǵımarattar/qurylystar salý (qurylys jumystary); qosymsha sıpattama – Qostanaı oblysy ákimdiginiń dene shynyqtyrý jáne sport basqarmasyna qarasty Qostanaı qalasynyń balalar men jasóspirimder sport mektebi” KMM balansyndaǵy “Segizaıaq” akvapark ǵımaratyn jóndeý jumystary. Josparlanǵan soma – 9 669 753 549 teńge”, – delingen memlekettik satyp alý portalynda jarıalanǵan lot sıpattamasynda.
Konkýrsqa qatysý úshin aldyn ala ótinim qabyldaý 27 aqpan men 4 naýryz aralyǵynda ótedi.H
Eske sala keteıik, 28 qańtarda úkimettiń keńeıtilgen otyrysynda salyqtardyń ósýi taqyryby talqylanǵan kezde Qazaqstan prezıdenti Qasym-Jomart Toqaev búdjet qarajatyn únemdeý jáne shyǵyndardy qatań baqylaý qajettigin aıtyp, ekonomıkalyq daǵdarystyń aldyn alý úshin “beldi qattyraq baılap, barǵa qanaǵat etý” keregin málimdegen bolatyn.
