Қазақстан Парламенті Сенат енгізген түзетулерді ескере отырып, Құрылыс кодексін қабылдады, деп хабарлайды Dalanews.kz.
Құжатқа сәйкес, сәулет саласындағы уәкілетті органның құзыретінен мемлекеттік сараптама ұйымы көрсететін консультациялық қызметтердің тәртібі мен құнын реттейтін қағидаларды әзірлеу және бекіту алынып тасталады. Сондай-ақ республикалық маңызы бар қалалар, астана және облыстардың бас сәулетшілерін тағайындауды келісу туралы норма жойылады.
Өзге өзгерістер қатарында аудан әкімдіктерінің жер учаскелерін беру құқығынан айырылуы, мердігерге меншік иесімен тең дәрежеде құрылыс нысанын бұзу туралы шешім қабылдауға мүмкіндік беретін ережені алып тастау, сондай-ақ сел, көшкін және қар көшкіні қаупі карталарын қолдануды 2030 жылға дейін уақытша тоқтата тұру жөніндегі норманы нақтылау бар.
Енді Құрылыс кодексі Қазақстан Парламенті қабылдағаннан кейін президенттің қол қоюына жіберілді.
