قازاقستان پارلامەنتى سەنات ەنگىزگەن تۇزەتۋلەردى ەسكەرە وتىرىپ، قۇرىلىس كودەكسىن قابىلدادى، دەپ حابارلايدى Dalanews.kz.
قۇجاتقا سايكەس، ساۋلەت سالاسىنداعى ۋاكىلەتتى ورگاننىڭ قۇزىرەتىنەن مەملەكەتتىك ساراپتاما ۇيىمى كورسەتەتىن كونسۋلتاسيالىق قىزمەتتەردىڭ ءتارتىبى مەن قۇنىن رەتتەيتىن قاعيدالاردى ازىرلەۋ جانە بەكىتۋ الىنىپ تاستالادى. سونداي-اق رەسپۋبليكالىق ماڭىزى بار قالالار، استانا جانە وبلىستاردىڭ باس ساۋلەتشىلەرىن تاعايىنداۋدى كەلىسۋ تۋرالى نورما جويىلادى.
وزگە وزگەرىستەر قاتارىندا اۋدان اكىمدىكتەرىنىڭ جەر ۋچاسكەلەرىن بەرۋ قۇقىعىنان ايىرىلۋى، مەردىگەرگە مەنشىك يەسىمەن تەڭ دارەجەدە قۇرىلىس نىسانىن بۇزۋ تۋرالى شەشىم قابىلداۋعا مۇمكىندىك بەرەتىن ەرەجەنى الىپ تاستاۋ، سونداي-اق سەل، كوشكىن جانە قار كوشكىنى ءقاۋپى كارتالارىن قولدانۋدى 2030 جىلعا دەيىن ۋاقىتشا توقتاتا تۇرۋ جونىندەگى نورمانى ناقتىلاۋ بار.
ەندى قۇرىلىس كودەكسى قازاقستان پارلامەنتى قابىلداعاننان كەيىن پرەزيدەنتتىڭ قول قويۋىنا جىبەرىلدى.
