Қазақстанда неке сақиналары қымбаттады, деп хабарлайды Dalanews.kz.
Ұлттық статистика бюросы мәліметінше, наурыз айының қорытындысы бойынша алтын неке сақиналарының бағасы айлық мәнде 5,5%-ға өссе, жылдық мәнде 45%-ға қымбаттаған.
Өңірлер бойынша ең төмен деңгей Маңғыстау облысында тіркелді: 14,5%, Шымкентте 29%-ға, Астанада 29,9%-ға қымбаттаған. Жас жұбайларға арналған сақиналардың бағасы Ұлытау облысында қатты қымбаттаған, бір жылдағы өсім - 71%.
Сонымен қатар, Қазақстанда зергерлік бұйымдар өндірісі артып келеді. 2024 жылмен салыстырғанда, 2025 жылдың қаңтар-желтоқсан аралығында өндіріс көлемі 7,7%-ға өсіп, 2,7 млрд теңге болған.
