Қазақстанда бірінші сыныпқа өтініш қабылдау мерзімі белгілі болды

Қаракөз Амантай 20 нау. 2025 10:39 2023

Қазақстанда 1 сәуірден бастап бірінші сыныпқа құжат қабылдау науқаны басталады. Бұл туралы Оқу-ағарту министрлігі мәлімдеді, деп хабарлайды Dalanews.kz.

Министрліктің мәліметінше, балаларды мектепке қабылдау 31 тамызға дейін жалғасады. Дегенмен ведомство өкілдері ата-аналарға құжат тапсыруды соңғы күнге қалдырмауды сұрады.

Қазақстанда балалар 6 жастан бастап бірінші сыныпқа қабылданады.

Өтініштерді eGov.kz порталы мен жергілікті атқарушы органдардың ақпараттық жүйелері арқылы онлайн беруге болады. Сондай-ақ құжаттарды мектептерге қағаз түрінде тапсыруға мүмкіндік бар. Өтініштер жұмыс күндері қабылданады.

Ата-аналар өтінішпен бірге:

Баланың денсаулық жағдайы туралы №065/у анықтамасын;
Денсаулық паспортының №052-2/у формасын;
Баланың 3x4 көлеміндегі екі фотосуретін өткізуі қажет.
Шетелдік азаматтар тұрақты тұруға рұқсаты мен тіркелген мекенжайын растайтын құжатты қосымша ұсынуы керек.


Ұсынылған
Соңғы жаңалықтар