Qazaqstanda 1 sáýirden bastap birinshi synypqa qujat qabyldaý naýqany bastalady. Bul týraly Oqý-aǵartý ministrligi málimdedi, dep habarlaidy Dalanews.kz.
Ministrliktiń málimetinshe, balalardy mektepke qabyldaý 31 tamyzǵa deiin jalǵasady. Degenmen vedomstvo ókilderi ata-analarǵa qujat tapsyrýdy sońǵy kúnge qaldyrmaýdy surady.
Qazaqstanda balalar 6 jastan bastap birinshi synypqa qabyldanady.
Ótinishterdi eGov.kz portaly men jergilikti atqarýshy organdardyń aqparattyq júieleri arqyly onlain berýge bolady. Sondai-aq qujattardy mektepterge qaǵaz túrinde tapsyrýǵa múmkindik bar. Ótinishter jumys kúnderi qabyldanady.
Ata-analar ótinishpen birge:
Balanyń densaýlyq jaǵdaiy týraly №065/ý anyqtamasyn;
Densaýlyq pasportynyń №052-2/ý formasyn;
Balanyń 3x4 kólemindegi eki fotosýretin ótkizýi qajet.
Sheteldik azamattar turaqty turýǵa ruqsaty men tirkelgen mekenjaiyn rastaityn qujatty qosymsha usynýy kerek.
