Жақында Қарағанды облысында полицияның тірек пункттерінің бірінен әйел адамның денесі табылған еді. Марқұм болған 23 жастағы қыздың артында кішкентай ұлы қалды, деп хабарлайды Dalanews.kz.
Ал оқиға орнында ес-түссіз күйде табылған полицейдің жағдайы жақсарып келеді.
“Науқастың хәлі ауыр, бірақ қазір өміріне қауіп төніп тұрған жоқ. Денсаулығында оң өзгерістер байқалады”, – деп хабарлады облыстық денсаулық сақтау басқармасы.
Еске салайық, оқиға 1 қазанда орын алды.
Сол күні жағдайды жан-жақты әрі объективті тексеру үшін арнайы жедел-тергеу тобы құрылып, қызметтік тергеу тағайындалды.
"Полиция департаменті барлық іс-әрекеттер мұқият зерттеліп, кінәлілер қатаң жауапкершілікке тартылатынын хабарлады.Азаматтардан шындыққа жанаспайтын ақпарат таратпауды сұрайды", – деп мәлімдеді Қарағанды облысы Полиция департаментінің бастығы Негмет Исмагулов.
