Jaqynda Qaraǵandy oblysynda politsiianyń tirek pýnktteriniń birinen áiel adamnyń denesi tabylǵan edi. Marqum bolǵan 23 jastaǵy qyzdyń artynda kishkentai uly qaldy, dep habarlaidy Dalanews.kz.
Al oqiǵa ornynda es-tússiz kúide tabylǵan politseidiń jaǵdaiy jaqsaryp keledi.
“Naýqastyń háli aýyr, biraq qazir ómirine qaýip tónip turǵan joq. Densaýlyǵynda oń ózgerister baiqalady”, – dep habarlady oblystyq densaýlyq saqtaý basqarmasy.
Eske salaiyq, oqiǵa 1 qazanda oryn aldy.
Sol kúni jaǵdaidy jan-jaqty ári obektivti tekserý úshin arnaiy jedel-tergeý toby qurylyp, qyzmettik tergeý taǵaiyndaldy.
"Politsiia departamenti barlyq is-áreketter muqiiat zerttelip, kináliler qatań jaýapkershilikke tartylatynyn habarlady.Azamattardan shyndyqqa janaspaityn aqparat taratpaýdy suraidy", – dep málimdedi Qaraǵandy oblysy Politsiia departamentiniń bastyǵy Negmet Ismagýlov.
