جاقىندا قاراعاندى وبلىسىندا پوليتسييانىڭ تٸرەك پۋنكتتەرٸنٸڭ بٸرٸنەن ەيەل ادامنىڭ دەنەسٸ تابىلعان ەدٸ. مارقۇم بولعان 23 جاستاعى قىزدىڭ ارتىندا كٸشكەنتاي ۇلى قالدى, دەپ حابارلايدى Dalanews.kz.
ال وقيعا ورنىندا ەس-تٷسسٸز كٷيدە تابىلعان پوليتسەيدٸڭ جاعدايى جاقسارىپ كەلەدٸ.
“ناۋقاستىڭ حەلٸ اۋىر, بٸراق قازٸر ٶمٸرٸنە قاۋٸپ تٶنٸپ تۇرعان جوق. دەنساۋلىعىندا وڭ ٶزگەرٸستەر بايقالادى”, – دەپ حابارلادى وبلىستىق دەنساۋلىق ساقتاۋ باسقارماسى.
ەسكە سالايىق, وقيعا 1 قازاندا ورىن الدى.
سول كٷنٸ جاعدايدى جان-جاقتى ەرٸ وبەكتيۆتٸ تەكسەرۋ ٷشٸن ارنايى جەدەل-تەرگەۋ توبى قۇرىلىپ, قىزمەتتٸك تەرگەۋ تاعايىندالدى.
"پوليتسييا دەپارتامەنتٸ بارلىق ٸس-ەرەكەتتەر مۇقييات زەرتتەلٸپ, كٸنەلٸلەر قاتاڭ جاۋاپكەرشٸلٸككە تارتىلاتىنىن حابارلادى.ازاماتتاردان شىندىققا جاناسپايتىن اقپارات تاراتپاۋدى سۇرايدى", – دەپ مەلٸمدەدٸ قاراعاندى وبلىسى پوليتسييا دەپارتامەنتٸنٸڭ باستىعى نەگمەت يسماگۋلوۆ.
