Қазақстанда жыл басынан бері пойыздар шұғыл тежелуіне қатысты 846 жағдай тіркелді. Оның 474-іне теміржол бойында қараусыз жүрген мал себеп болған, деп хабарлайды dalanews.kz.
Мұндай жағдайлар Қызылорда, Шу, Атырау және Семей станциялары маңында жиі кездеседі.
Осындай жағдай 19 тамызда Ақмола облысындағы ОП-42 - Бабатай аралығында болған. Жүк пойызының машинисі теміржолда жүрген малды байқап, шұғыл тежегішті іске қосқан. Алайда пойызды тоқтатуға мүмкіндік болмай, бес мал қағылған.
Тексеріс кезінде малдың иесі анықталды. Ол - Ақмола облысының 63 жастағы тұрғыны. Азамат теміржолдың бөлінген жолағында мал жаю ережесін бұзғаны үшін әкімшілік жауапкершілікке тартылды.
