Qazaqstanda jyl basynan beri poiyzdar shuǵyl tejelýine qatysty 846 jaǵdai tirkeldi. Onyń 474-ine temirjol boiynda qaraýsyz júrgen mal sebep bolǵan, dep habarlaidy dalanews.kz.
Mundai jaǵdailar Qyzylorda, Shý, Atyraý jáne Semei stantsiialary mańynda jii kezdesedi.
Osyndai jaǵdai 19 tamyzda Aqmola oblysyndaǵy OP-42 - Babatai aralyǵynda bolǵan. Júk poiyzynyń mashinisi temirjolda júrgen maldy baiqap, shuǵyl tejegishti iske qosqan. Alaida poiyzdy toqtatýǵa múmkindik bolmai, bes mal qaǵylǵan.
Tekseris kezinde maldyń iesi anyqtaldy. Ol - Aqmola oblysynyń 63 jastaǵy turǵyny. Azamat temirjoldyń bólingen jolaǵynda mal jaiý erejesin buzǵany úshin ákimshilik jaýapkershilikke tartyldy.
