قازاقستاندا جىل باسىنان بەرٸ پويىزدار شۇعىل تەجەلۋٸنە قاتىستى 846 جاعداي تٸركەلدٸ. ونىڭ 474-ٸنە تەمٸرجول بويىندا قاراۋسىز جٷرگەن مال سەبەپ بولعان, دەپ حابارلايدى dalanews.kz.
مۇنداي جاعدايلار قىزىلوردا, شۋ, اتىراۋ جەنە سەمەي ستانتسييالارى ماڭىندا جيٸ كەزدەسەدٸ.
وسىنداي جاعداي 19 تامىزدا اقمولا وبلىسىنداعى وپ-42 - باباتاي ارالىعىندا بولعان. جٷك پويىزىنىڭ ماشينيسٸ تەمٸرجولدا جٷرگەن مالدى بايقاپ, شۇعىل تەجەگٸشتٸ ٸسكە قوسقان. الايدا پويىزدى توقتاتۋعا مٷمكٸندٸك بولماي, بەس مال قاعىلعان.
تەكسەرٸس كەزٸندە مالدىڭ يەسٸ انىقتالدى. ول - اقمولا وبلىسىنىڭ 63 جاستاعى تۇرعىنى. ازامات تەمٸرجولدىڭ بٶلٸنگەن جولاعىندا مال جايۋ ەرەجەسٸن بۇزعانى ٷشٸن ەكٸمشٸلٸك جاۋاپكەرشٸلٸككە تارتىلدى.
