Ұлттық қауіпсіздік комитетінің бұрынғы төрағасы Нартай Дүтбаев ORDA News арнасына берген сұхбатында Самат Әбіш қай жерден шалыс басқанын, ал Кәрім Мәсімов әу бастан қандай адам болғанын айтты, - деп хабарлайды Dalanews.kz.
Бұрынғы шенеунік Назарбаевтың немере інісі Самат Әбіш Рахат Әлиевтің жолымен жүргенін жеткізді.
"Самат Әбіш тергеу изоляторында маған келді. Оған сол кезде "Самат, сен Рахат Әлиевтің қатесін қайталап жатсың, дәл қазір айналаңа сондай адамдар жинап алдың. Олар саған сөзсіз мойынсұнады. Сені Президенттің немере інісі, демек, біз оның толық қорғауындамыз және қалағанымызды жасай аламыз деп ойлайды" дедім.
Әңгіме тек Ысқақов туралы емес. Бірнеше адам сондай", - дейді ол.
Дүтбаев Кәрім Мәсімов қандай адам болғанын да айтты.
"Ал Мәсімовті әрқашан ақылды, айлакер деп санайтынмын. Ол ешқашан алғы шепке шығып ойнаған емес. Үнемі біреуді айдап салады да, өзі артта тұрып, қажет жерге жіберіп отырады", - дейді Дүтбаев.
Айта кетейік, Қаңтар оқиғасынан кейін жаппай тәртіпсіздіктерді ұйымдастырды деп айыпталған полковник Руслан Ысқақов "Новая Газетаға" шын мәнінде не болғанын баяндаған еді. Ол Дикий Арман шын мәнінде Самат Әбіштің бұйрығын орындағанына сенімді.
Руслан Ысқақов Қаңтар оқиғасына байланысты өткен сот отырыстарының бірінде Самат Әбіштің бұйрығын орындағанын мәлімдеген болатын. Әбіштің бұйрығымен Ысқақов Дикий Арманды бұл іске тартқан көрінеді. Ал Жұмагелдиев қылмыс әлеміне қатысы бар және Назарбаевтар әулетінің тапсырмасын орындаушы ретінде белгілі.
