Ulttyq qaýipsizdik komitetiniń burynǵy tóraǵasy Nartai Dútbaev ORDA News arnasyna bergen suhbatynda Samat Ábish qai jerden shalys basqanyn, al Kárim Másimov áý bastan qandai adam bolǵanyn aitty, - dep habarlaidy Dalanews.kz.
Burynǵy sheneýnik Nazarbaevtyń nemere inisi Samat Ábish Rahat Álievtiń jolymen júrgenin jetkizdi.
"Samat Ábish tergeý izoliatorynda maǵan keldi. Oǵan sol kezde "Samat, sen Rahat Álievtiń qatesin qaitalap jatsyń, dál qazir ainalańa sondai adamdar jinap aldyń. Olar saǵan sózsiz moiynsunady. Seni Prezidenttiń nemere inisi, demek, biz onyń tolyq qorǵaýyndamyz jáne qalaǵanymyzdy jasai alamyz dep oilaidy" dedim.
Áńgime tek Ysqaqov týraly emes. Birneshe adam sondai", - deidi ol.
Dútbaev Kárim Másimov qandai adam bolǵanyn da aitty.
"Al Másimovti árqashan aqyldy, ailaker dep sanaitynmyn. Ol eshqashan alǵy shepke shyǵyp oinaǵan emes. Únemi bireýdi aidap salady da, ózi artta turyp, qajet jerge jiberip otyrady", - deidi Dútbaev.
Aita keteiik, Qańtar oqiǵasynan keiin jappai tártipsizdikterdi uiymdastyrdy dep aiyptalǵan polkovnik Rýslan Ysqaqov "Novaia Gazetaǵa" shyn máninde ne bolǵanyn baiandaǵan edi. Ol Dikii Arman shyn máninde Samat Ábishtiń buiryǵyn oryndaǵanyna senimdi.
Rýslan Ysqaqov Qańtar oqiǵasyna bailanysty ótken sot otyrystarynyń birinde Samat Ábishtiń buiryǵyn oryndaǵanyn málimdegen bolatyn. Ábishtiń buiryǵymen Ysqaqov Dikii Armandy bul iske tartqan kórinedi. Al Jumageldiev qylmys álemine qatysy bar jáne Nazarbaevtar áýletiniń tapsyrmasyn oryndaýshy retinde belgili.
