Шымкентте Ернар Жиенбай ісі бойынша сот процесі жалғасып жатыр. Отырыста жәбірленуші – қала әкімінің орынбасары Руслан Берденов онлайн режимде куәлік берді, деп хабарлайды Dalanews.kz.
Оның айтуынша, ол айыпталушымен жақын таныс болмаған:
«Жиенбайды өмірімде үш рет қана көрдім. Екі рет жиында, үшінші рет ол оқ атқан кезде».
Берденовтің сөзінше, шабуылға бір апта қалғанда Жиенбай әкімдік инспекторы Асанбай Ахметаевқа қоңырау шалып, қоқан-лоқы көрсеткен:
«Мен не біреуді өлтіремін, не өзім өлемін».
Ахметаев Жиенбайдың мас болуы мүмкін деп ойлап, бұл сөзге мән бермеген.
Еске салсақ, сот процесі 6 тамызда басталған еді.
