Shymkentte Ernar Jienbai isi boiynsha sot protsesi jalǵasyp jatyr. Otyrysta jábirlenýshi – qala ákiminiń orynbasary Rýslan Berdenov onlain rejimde kýálik berdi, dep habarlaidy Dalanews.kz.
Onyń aitýynsha, ol aiyptalýshymen jaqyn tanys bolmaǵan:
«Jienbaidy ómirimde úsh ret qana kórdim. Eki ret jiynda, úshinshi ret ol oq atqan kezde».
Berdenovtiń sózinshe, shabýylǵa bir apta qalǵanda Jienbai ákimdik inspektory Asanbai Ahmetaevqa qońyraý shalyp, qoqan-loqy kórsetken:
«Men ne bireýdi óltiremin, ne ózim ólemin».
Ahmetaev Jienbaidyń mas bolýy múmkin dep oilap, bul sózge mán bermegen.
Eske salsaq, sot protsesi 6 tamyzda bastalǵan edi.
