Қалампыр — хош иісті дәмдеуіш қана емес, құрамында эфир майлары, антиоксиданттар, дәрумендер мен минералдар мол кездесетін пайдалы өсімдік. Оның ағзаға оң әсер ететін қасиеттерін ұсынамыз, деп хабарлайды Dalanews.kz

1. Ас қорытуды жақсартады

Қалампырдағы эфир майлары ас қорыту ферменттерінің бөлінуін ынталандырады. Сол себепті қалампырды шайнау:

• ауырлықты, кебуді;

• газ жиналуын;

• жүрек айнуды;

• ішек-қарындағы түйілуді азайтады.

2. Инфекциялардың алдын алады

Қалампырдың құрамындағы майлар күшті антимикробтық әсерге ие. Ол бактерия, вирус және саңырауқұлақтармен күреседі. Ол ауыз қуысының тазалығын жақсартады, стоматит, гингивиттің алдын алады және суық тию мен тұмауға қарсы тұруға көмектеседі.

3. Иммунитетті күшейтеді

Қалампырда С дәрумені және көп мөлшерде антиоксиданттар бар. Олар:

• ағзаны зиянды бос радикалдардан қорғайды;

• инфекцияға қарсы иммундық жауапты жақсартады;

• аурудан кейін қалпына келуді тездетеді.

4. Тіс ауруын жеңілдетеді

Қалампырдағы эвгенол табиғи ауырсынуды басатын және қабынуды азайтатын зат болып саналады. Ол тіс ауруын уақытша басады, қызыл иектің қабынуын азайтады және жағымсыз иісті кетіреді.

5. Қандағы қантты реттеуге көмектеседі

Белсенді компоненттері инсулиннің әсерін жақсартады. Бұл диабеті бар немесе диабет қаупі жоғары адамдар үшін маңызды.

6. Артрит және буын ауруларында жеңілдік береді

Қалампыр қан айналымын жақсарта отырып, буындағы ауырсынуды азайтады. Антиоксиданттар қабынуды төмендетуге көмектеседі.

7. Сүйек пен буындарды нығайтады

Қалампырды тұрақты түрде шайнау сүйек тінінің беріктігін сақтауға ықпал етеді. Бұл спортпен айналысатын немесе физикалық жұмысы ауыр адамдарға пайдалы.

8. Бауыр жұмысына жақсы әсер етеді

Антиоксиданттар токсиндерді бейтараптандырып, бауырдың қалыпты жұмысын қолдайды.

9. Күйзелісті азайтады, көңіл күйді көтереді

Қалампырды шайнау кезінде бөлінетін эфир майлары жүйке жүйесіне жағымды әсер етеді.
Олар:

• серотонин мен дофаминнің бөлінуін арттырады;

• мазасыздықты азайтады;

• ұйқы сапасын жақсартады.

Мамандар қалампыр күйзеліске бейім, жүйкесі тез тозатын, ұйқысы нашар адамдарға пайдалы екенін айтады.

Қалай дұрыс қолдану керек?

• Күніне 1–2 түйір қалампыр жеткілікті.

• Артық мөлшері ауыздың немесе асқазанның шырышты қабатын тітіркендіруі мүмкін.

• Алдымен 1 данадан бастап көбірек қолдануға болады.

Кімдерге болмайды? (Қарсыкөрсетілім)

• Асқазан жарасы;

• гастрит (әсіресе қышқылдығы жоғары түрі);

• асқазан-ішек жолының сезімтал аурулары бар адамдар сақтықпен қолдануы тиіс.