قالامپىر — حوش ءيىستى دامدەۋىش قانا ەمەس، قۇرامىندا ەفير مايلارى، انتيوكسيدانتتار، دارۋمەندەر مەن مينەرالدار مول كەزدەسەتىن پايدالى وسىمدىك. ونىڭ اعزاعا وڭ اسەر ەتەتىن قاسيەتتەرىن ۇسىنامىز، دەپ حابارلايدى Dalanews.kz

1. اس قورىتۋدى جاقسارتادى

قالامپىرداعى ەفير مايلارى اس قورىتۋ فەرمەنتتەرىنىڭ ءبولىنۋىن ىنتالاندىرادى. سول سەبەپتى قالامپىردى شايناۋ:

• اۋىرلىقتى، كەبۋدى؛

• گاز جينالۋىن؛

• جۇرەك اينۋدى؛

• ىشەك-قارىنداعى ءتۇيىلۋدى ازايتادى.

2. ينفەكسيالاردىڭ الدىن الادى

قالامپىردىڭ قۇرامىنداعى مايلار كۇشتى انتيميكروبتىق اسەرگە يە. ول باكتەريا، ۆيرۋس جانە ساڭىراۋقۇلاقتارمەن كۇرەسەدى. ول اۋىز قۋىسىنىڭ تازالىعىن جاقسارتادى، ستوماتيت، گينگيۆيتتىڭ الدىن الادى جانە سۋىق تيۋ مەن تۇماۋعا قارسى تۇرۋعا كومەكتەسەدى.

3. يممۋنيتەتتى كۇشەيتەدى

قالامپىردا س دارۋمەنى جانە كوپ مولشەردە انتيوكسيدانتتار بار. ولار:

• اعزانى زياندى بوس راديكالداردان قورعايدى؛

• ينفەكسياعا قارسى يممۋندىق جاۋاپتى جاقسارتادى؛

• اۋرۋدان كەيىن قالپىنا كەلۋدى تەزدەتەدى.

4. ءتىس اۋرۋىن جەڭىلدەتەدى

قالامپىرداعى ەۆگەنول تابيعي اۋىرسىنۋدى باساتىن جانە قابىنۋدى ازايتاتىن زات بولىپ سانالادى. ول ءتىس اۋرۋىن ۋاقىتشا باسادى، قىزىل يەكتىڭ قابىنۋىن ازايتادى جانە جاعىمسىز ءيىستى كەتىرەدى.

5. قانداعى قانتتى رەتتەۋگە كومەكتەسەدى

بەلسەندى كومپونەنتتەرى ءينسۋليننىڭ اسەرىن جاقسارتادى. بۇل ديابەتى بار نەمەسە ديابەت ءقاۋپى جوعارى ادامدار ءۇشىن ماڭىزدى.

6. ارتريت جانە بۋىن اۋرۋلارىندا جەڭىلدىك بەرەدى

قالامپىر قان اينالىمىن جاقسارتا وتىرىپ، بۋىنداعى اۋىرسىنۋدى ازايتادى. انتيوكسيدانتتار قابىنۋدى تومەندەتۋگە كومەكتەسەدى.

7. سۇيەك پەن بۋىنداردى نىعايتادى

قالامپىردى تۇراقتى تۇردە شايناۋ سۇيەك ءتىنىنىڭ بەرىكتىگىن ساقتاۋعا ىقپال ەتەدى. بۇل سپورتپەن اينالىساتىن نەمەسە فيزيكالىق جۇمىسى اۋىر ادامدارعا پايدالى.

8. باۋىر جۇمىسىنا جاقسى اسەر ەتەدى

انتيوكسيدانتتار توكسيندەردى بەيتاراپتاندىرىپ، باۋىردىڭ قالىپتى جۇمىسىن قولدايدى.

9. كۇيزەلىستى ازايتادى، كوڭىل كۇيدى كوتەرەدى

قالامپىردى شايناۋ كەزىندە بولىنەتىن ەفير مايلارى جۇيكە جۇيەسىنە جاعىمدى اسەر ەتەدى.
ولار:

• سەروتونين مەن ءدوفاميننىڭ ءبولىنۋىن ارتتىرادى؛

• مازاسىزدىقتى ازايتادى؛

• ۇيقى ساپاسىن جاقسارتادى.

ماماندار قالامپىر كۇيزەلىسكە بەيىم، جۇيكەسى تەز توزاتىن، ۇيقىسى ناشار ادامدارعا پايدالى ەكەنىن ايتادى.

قالاي دۇرىس قولدانۋ كەرەك؟

• كۇنىنە 1–2 ءتۇيىر قالامپىر جەتكىلىكتى.

• ارتىق مولشەرى اۋىزدىڭ نەمەسە اسقازاننىڭ شىرىشتى قاباتىن تىتىركەندىرۋى مۇمكىن.

• الدىمەن 1 دانادان باستاپ كوبىرەك قولدانۋعا بولادى.

كىمدەرگە بولمايدى؟ (قارسىكورسەتىلىم)

• اسقازان جاراسى؛

• گاستريت (اسىرەسە قىشقىلدىعى جوعارى ءتۇرى)؛

• اسقازان-ىشەك جولىنىڭ سەزىمتال اۋرۋلارى بار ادامدار ساقتىقپەن قولدانۋى ءتيىس.