JAC бренді 2026 жылдың маусым айының қорытындысы бойынша Қазақстандағы ең жоғары айлық сатылым көрсеткішіне қол жеткізіп, елдегі жетекші автомобиль брендтерінің қатарына кірді, деп хабарлайды dalanews.kz.
Қазақстандық Allur компаниясының құрамына кіретін JAC бренді маусым айында 1 600 автокөлік сатып, жыл басынан бергі ең үздік нәтижесін көрсетті. Бұл туралы «Қазақстанның Автокөлік Одағының» (ҚАО) деректерінде айтылған.
Маусым айында JAC-тың қалалық JAC S3 Pro кроссовері Қазақстандағы барлық автокөліктер арасында сатылым бойынша 5-орынға көтерілді. Ай ішінде аталған модельдің 772 данасы сатылған. Ал JAC J7 лифтбегіне сұраныс жоғары болып, оның 535 данасы өткізілген.
Сонымен қатар бренд пикаптар сегментінде де көш бастады. JAC T9, JAC T8 және JAC T6 модельдерінің жиынтық сатылымы 90 автокөлікті құрап, JAC осы санаттағы бірінші орынға шықты.
Костанай мен Петропавл қалаларында да бренд жоғары нәтижеге қол жеткізді. Костанайдағы дилерлік орталық 230, ал Петропавлдағы орталық 102 автокөлік сатқан. Осылайша JAC бұл өңірлерде қатарынан екінші ай сатылым көшбасшысы атанды.
2026 жылдың алғашқы жартыжылдығында JAC Motors Qazaqstan жалпы 4 745 автокөлік сатып, Қазақстандағы қытайлық автомобиль брендтері арасындағы жетекші позициясын нығайтты.
Сондай-ақ мамыр айында Қазақстан нарығына шыққан жаңа премиум JAC RF8 минивэніне арнайы несие бағдарламасы ұсынылған. Бағдарлама аясында автокөлікті 4,3 пайыздық мөлшерлемемен сатып алуға болады.
