JAC brendi 2026 jyldyń maýsym aiynyń qorytyndysy boiynsha Qazaqstandaǵy eń joǵary ailyq satylym kórsetkishine qol jetkizip, eldegi jetekshi avtomobil brendteriniń qataryna kirdi, dep habarlaidy dalanews.kz.
Qazaqstandyq Allur kompaniiasynyń quramyna kiretin JAC brendi maýsym aiynda 1 600 avtokólik satyp, jyl basynan bergi eń úzdik nátijesin kórsetti. Bul týraly «Qazaqstannyń Avtokólik Odaǵynyń» (QAO) derekterinde aitylǵan.
Maýsym aiynda JAC-tyń qalalyq JAC S3 Pro krossoveri Qazaqstandaǵy barlyq avtokólikter arasynda satylym boiynsha 5-orynǵa kóterildi. Ai ishinde atalǵan modeldiń 772 danasy satylǵan. Al JAC J7 liftbegine suranys joǵary bolyp, onyń 535 danasy ótkizilgen.
Sonymen qatar brend pikaptar segmentinde de kósh bastady. JAC T9, JAC T8 jáne JAC T6 modelderiniń jiyntyq satylymy 90 avtokólikti qurap, JAC osy sanattaǵy birinshi orynǵa shyqty.
Kostanai men Petropavl qalalarynda da brend joǵary nátijege qol jetkizdi. Kostanaidaǵy dilerlik ortalyq 230, al Petropavldaǵy ortalyq 102 avtokólik satqan. Osylaisha JAC bul óńirlerde qatarynan ekinshi ai satylym kóshbasshysy atandy.
2026 jyldyń alǵashqy jartyjyldyǵynda JAC Motors Qazaqstan jalpy 4 745 avtokólik satyp, Qazaqstandaǵy qytailyq avtomobil brendteri arasyndaǵy jetekshi pozitsiiasyn nyǵaitty.
Sondai-aq mamyr aiynda Qazaqstan naryǵyna shyqqan jańa premiým JAC RF8 minivenine arnaiy nesie baǵdarlamasy usynylǵan. Baǵdarlama aiasynda avtokólikti 4,3 paiyzdyq mólsherlememen satyp alýǵa bolady.
