JAC برەندٸ 2026 جىلدىڭ ماۋسىم ايىنىڭ قورىتىندىسى بويىنشا قازاقستانداعى ەڭ جوعارى ايلىق ساتىلىم كٶرسەتكٸشٸنە قول جەتكٸزٸپ, ەلدەگٸ جەتەكشٸ اۆتوموبيل برەندتەرٸنٸڭ قاتارىنا كٸردٸ, دەپ حابارلايدى dalanews.kz.
قازاقستاندىق Allur كومپانيياسىنىڭ قۇرامىنا كٸرەتٸن JAC برەندٸ ماۋسىم ايىندا 1 600 اۆتوكٶلٸك ساتىپ, جىل باسىنان بەرگٸ ەڭ ٷزدٸك نەتيجەسٸن كٶرسەتتٸ. بۇل تۋرالى «قازاقستاننىڭ اۆتوكٶلٸك وداعىنىڭ» (قاو) دەرەكتەرٸندە ايتىلعان.
ماۋسىم ايىندا JAC-تىڭ قالالىق JAC S3 Pro كروسسوۆەرٸ قازاقستانداعى بارلىق اۆتوكٶلٸكتەر اراسىندا ساتىلىم بويىنشا 5-ورىنعا كٶتەرٸلدٸ. اي ٸشٸندە اتالعان مودەلدٸڭ 772 داناسى ساتىلعان. ال JAC J7 ليفتبەگٸنە سۇرانىس جوعارى بولىپ, ونىڭ 535 داناسى ٶتكٸزٸلگەن.
سونىمەن قاتار برەند پيكاپتار سەگمەنتٸندە دە كٶش باستادى. JAC T9, JAC T8 جەنە JAC T6 مودەلدەرٸنٸڭ جيىنتىق ساتىلىمى 90 اۆتوكٶلٸكتٸ قۇراپ, JAC وسى ساناتتاعى بٸرٸنشٸ ورىنعا شىقتى.
كوستاناي مەن پەتروپاۆل قالالارىندا دا برەند جوعارى نەتيجەگە قول جەتكٸزدٸ. كوستانايداعى ديلەرلٸك ورتالىق 230, ال پەتروپاۆلداعى ورتالىق 102 اۆتوكٶلٸك ساتقان. وسىلايشا JAC بۇل ٶڭٸرلەردە قاتارىنان ەكٸنشٸ اي ساتىلىم كٶشباسشىسى اتاندى.
2026 جىلدىڭ العاشقى جارتىجىلدىعىندا JAC Motors Qazaqstan جالپى 4 745 اۆتوكٶلٸك ساتىپ, قازاقستانداعى قىتايلىق اۆتوموبيل برەندتەرٸ اراسىنداعى جەتەكشٸ پوزيتسيياسىن نىعايتتى.
سونداي-اق مامىر ايىندا قازاقستان نارىعىنا شىققان جاڭا پرەميۋم JAC RF8 مينيۆەنٸنە ارنايى نەسيە باعدارلاماسى ۇسىنىلعان. باعدارلاما اياسىندا اۆتوكٶلٸكتٸ 4,3 پايىزدىق مٶلشەرلەمەمەن ساتىپ الۋعا بولادى.
