Қазгидромет алдағы үш күнге арналған ауа райы болжамын ұсынды, деп хабарлайды dalanews.kz.
Синоптиктердің мәліметінше, 2-4 маусым аралығында атмосфералық фронттар әсерінен Қазақстанның басым бөлігінде құбылмалы ауа райы сақталады. Кейбір өңірлерде жаңбыр жауып, найзағай ойнайды.
2 маусымда Павлодар облысында, 3 маусымда Атырау, Маңғыстау облыстарында, 3-4 маусымда Ақтөбе облысында, ал 4 маусымда Қостанай облысында қатты жаңбыр жаууы ықтимал. Кейбір жерлерде бұршақ жауып, жел күшеюі мүмкін.
Күндіз батыс өңірлерде ауа температурасы +23…+28 градусқа дейін көтеріледі. Солтүстік-батыста +13…+26 градус аралығында болады. Солтүстікте +25…+32 градусқа дейін, орталық пен шығыста +27…+36 градусқа дейін жылынады. Ал оңтүстік және оңтүстік-шығыс аймақтарда ауа температурасы сәл төмендеп, +25…+35 градус болады.
