Qazgidromet aldaǵy úsh kúnge arnalǵan aýa raiy boljamyn usyndy, dep habarlaidy dalanews.kz.
Sinoptikterdiń málimetinshe, 2-4 maýsym aralyǵynda atmosferalyq fronttar áserinen Qazaqstannyń basym bóliginde qubylmaly aýa raiy saqtalady. Keibir óńirlerde jańbyr jaýyp, naizaǵai oinaidy.
2 maýsymda Pavlodar oblysynda, 3 maýsymda Atyraý, Mańǵystaý oblystarynda, 3-4 maýsymda Aqtóbe oblysynda, al 4 maýsymda Qostanai oblysynda qatty jańbyr jaýýy yqtimal. Keibir jerlerde burshaq jaýyp, jel kúsheiýi múmkin.
Kúndiz batys óńirlerde aýa temperatýrasy +23…+28 gradýsqa deiin kóteriledi. Soltústik-batysta +13…+26 gradýs aralyǵynda bolady. Soltústikte +25…+32 gradýsqa deiin, ortalyq pen shyǵysta +27…+36 gradýsqa deiin jylynady. Al ońtústik jáne ońtústik-shyǵys aimaqtarda aýa temperatýrasy sál tómendep, +25…+35 gradýs bolady.
