Алматыдағы сауда ойын-сауық орталықтарының бірінде 29 жастағы ер адам попкорнға қақалып қайтыс болған. Бұл дерекке қатысты Алматы Полиция департаменті тексеріс жүргізіліп жатқанын мәлімдеді, деп хабарлайды dalanews.kz.
Қазір оқиғаның мән-жайын Бостандық аудандық полиция басқармасы анықтап жатыр.
"Оқиғаның барлық мән-жайы тексеріліп жатыр. Тексеріс қорытындысы бойынша қолданыстағы заңнамаға сәйкес процессуалдық шешім қабылданады", – деді Алматы Полиция департаментінің баспасөз қызметі өкілі.
Сондай-ақ, полиция ер адамның нақты неден қайтыс болғанын сот-медициналық сараптама анықтайтынын айтты.
Еске салайық, бұған дейін оқиғаның мән-жайын жазған едік.
