Осы орайда, Арыс қаласындағы «Дендросаябақта» қалалық ішкі саясат бөлімі мен «Жастар ресурстық орталығы» КММ-нің ұйымдастыруымен 2019 жыл «Жастар жылы» аясында және 1 желтоқсан – Қазақстан Республикасының Тұңғыш Президенті күніне орай, «Ағаш ек, гүл ек – туған жерді түлет» атты ағаш егу акциясы өтті.
Акция барысында келер жылдың маңыздылығын ескере отырып, жастардың бастамасымен 2019 түп ағаш көшеттерін отырғызу жұмыстарын бастап, шара барысында ән айтып, көңілді қуантар әзілдерімен қатар қаламыздағы колледж студенттері флэшмоб ұйымдастырды.
Мұндай іс-шаралар әрбір адамның өз жеріне адалдық, туған жерге сүйіспеншілікпен қарауымен қоса, өз ортасын таза ұстауға үйретсе керек.
«Бұтақ жайған ағаш қартаймайды, ұрпақ жайған адам қартаймайды» деген нақыл сөзді ұстанған қарттарымыз бен қала жастарымыздың белсенділігін көрсеткен ұрпақтар сабақтастығы аясындағы мұндай игі шаралар алдағы уақытта да, жалғасын табатын болады.
Арыс қаласы әкімінің баспасөз қызметі
