قازاقستان جوعارعى سوتىنىڭ سۋدياسى قىزمەتٸنە اسان ەسكەندٸروۆ سايلاندى. ونىڭ كانديداتۋراسىن مەملەكەت باسشىسى قاسىم-جومارت توقاەۆ ۇسىنىپ, قۇرىلتاي دەپۋتاتتارى قولداۋ بٸلدٸردٸ, دەپ حابارلايدى dalanews.kz.
11 قاراشادا ٶتكەن قۇرىلتايدىڭ جالپى وتىرىسىندا جوعارعى سوت سۋدياسىن سايلاۋ مەسەلەسٸ قارالدى.
قازاقستان رەسپۋبليكاسى كونستيتۋتسيياسىنىڭ 56-بابىنىڭ 10-تارماقشاسىنا سەيكەس, جوعارعى سوتتىڭ سۋديالارى پرەزيدەنتتٸڭ ۇسىنۋىمەن قۇرىلتايدا سايلانادى.
مەملەكەت باسشىسىنىڭ اسان ەسكەندٸروۆكە قاتىستى ۇسىنىسىن دەپۋتاتتارعا جوعارى سوت كەڭەسٸنٸڭ تٶراعاسى دميتريي مالاحوۆ تانىستىردى.
ول كانديداتتىڭ سوت جٷيەسٸندەگٸ تەجٸريبەسٸنە توقتالىپ, ۇزاق جىلدار بويى تٷرلٸ دەڭگەيدەگٸ سوتتاردا قىزمەت اتقارعانىن اتاپ ٶتتٸ.
"قۇرىلتاي قاراۋىنا جوعارعى سوت سۋدياسى لاۋازىمىنا اسان ەسكەندٸروۆتٸ سايلاۋ تۋرالى مەملەكەت باسشىسىنىڭ ۇسىنىمى ەنگٸزٸلدٸ. اسان قايرۋللاۇلى 30 جىلدان استام ۋاقىت بويى بارلىق سوت ينستانتسييالارىندا قىزمەت ەتتٸ... وسى ورايدا بۇل ۇسىنىمدى قولداۋلارىڭىزدى سۇرايمىن", – دەدٸ دميتريي مالاحوۆ.
جالپى وتىرىستا دەپۋتاتتار ۇسىنىلعان كانديداتۋرانى قولدادى. نەتيجەسٸندە اسان ەسكەندٸروۆ قازاقستان رەسپۋبليكاسى جوعارعى سوتىنىڭ سۋدياسى بولىپ سايلاندى.
اسان ەسكەندٸروۆ كٸم?
اسان قايرۋللاۇلى ەسكەندٸروۆ 1971 جىلى دٷنيەگە كەلگەن. 1996 جىلى ە.ا. بٶكەتوۆ اتىنداعى قاراعاندى مەملەكەتتٸك ۋنيۆەرسيتەتٸن تەمامداعان.
ەڭبەك جولىن 1991 جىلى كٶكشەتاۋ وبلىستىق ٸشكٸ ٸستەر دەپارتامەنتٸندە ساراپشى بولىپ باستاعان. بۇل قىزمەتتٸ 1994 جىلعا دەيٸن اتقارعان.
1994-1996 جىلدارى كٶكشەتاۋ وبلىسىنىڭ ەدٸلەت دەپارتامەنتٸندە كەڭەسشٸ, جەتەكشٸ مامان جەنە باس مامان لاۋازىمدارىندا جۇمىس ٸستەدٸ.
1996 جىلى كٶكشەتاۋ قالالىق سوتىنىڭ سۋدياسى بولىپ تاعايىندالىپ, سوت جٷيەسٸندەگٸ قىزمەتٸن باستاعان.
كەيٸن 1998-1999 جىلدارى استانا قالاسىنىڭ الماتى اۋداندىق سوتىندا, ال 1999–2002 جىلدارى اقمولا وبلىستىق سوتىندا سۋديا قىزمەتٸن اتقاردى.
2002 جىلدان باستاپ اقمولا وبلىسىنىڭ مامانداندىرىلعان اۋدانارالىق ەكونوميكالىق سوتىن باسقاردى. بۇل قىزمەتتە 2008 جىلعا دەيٸن ەڭبەك ەتتٸ.
2008-2012 جىلدارى پاۆلودار وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ تٶراعاسى بولدى.
ال 2012 جىلعى شٸلدەدەن 2015 جىلعى جەلتوقسانعا دەيٸن اقمولا وبلىستىق سوتىنىڭ ازاماتتىق جەنە ەكٸمشٸلٸك ٸستەر جٶنٸندەگٸ اپەللياتسييالىق سوت القاسىنا جەتەكشٸلٸك ەتتٸ.
بۇدان كەيٸن اسان ەسكەندٸروۆ قازاقستان جوعارعى سوتىنىڭ سۋدياسى بولىپ قىزمەت اتقاردى.
2022 جىلدىڭ جەلتوقسانىندا ول قازاقستان رەسپۋبليكاسى كونستيتۋتسييالىق سوتىنىڭ سۋدياسى لاۋازىمىنا تاعايىندالعان.
