الداعى ۋاقىتتا زەينەتكەرلەر مەن باسقا دا ەلەۋمەتتٸك وسال توپقا جاتاتىن ازاماتتارعا نەسيە بەرٸلمەۋٸ مٷمكٸن. دەپۋتات ەرلان ستامبەكوۆ قۇزىرلى ورگاندارعا جولداعان دەپۋتاتتىق ساۋالىندا زەينەتاقى مەن جەردەماقىنى نەسيەلەۋ شارتتارىندا كٸرٸستەر كٶزٸ رەتٸندە كٶرسەتۋدٸ, جالپى ولاردى نەسيە ەسەبٸنەن الىپ تاستاۋدى ۇسىندى, دەپ حابارلايدى Dalanews.kz.
ەرلان ستامبەكوۆ بانكتەردٸڭ, ميكروقارجى ۇيىمدارىنىڭ جەنە كوللەكتورلاردىڭ ازاماتتاردىڭ زەينەتاقىسى مەن ەلەۋمەتتٸك تٶلەمدەرٸنەن قارىز اقشاسىن ٶندٸرٸپ الۋىنا زاڭمەن تىيىم سالۋدى ۇسىندى. ول وسى مەسەلە بويىنشا قارجى نارىعىن رەتتەۋ جەنە دامىتۋ اگەنتتٸگٸ, ەدٸلەت مينيسترلٸگٸ مەن ەڭبەك جەنە حالىقتى ەلەۋمەتتٸك قورعاۋ مينيسترلٸگٸنە دەپۋتاتتىق ساۋال جولدادى.
دەپۋتاتتىڭ ايتۋىنشا, ەلٸمٸزدە شامامەن 3,2 ميلليون ازامات ەلەۋمەتتٸك وسال توپقا جاتادى. ولار – زەينەتكەرلەر, مٷگەدەكتٸگٸ بار جاندار, مٷمكٸندٸگٸ شەكتەۋلٸ بالا تەربيەلەپ وتىرعان وتباسىلار مەن ەلەۋمەتتٸك جەردەماقى الۋشىلار.
"بۇل ادامدار ٷشٸن زەينەتاقى مەن جەردەماقى – كٷنكٶرٸستٸڭ جالعىز كٶزٸ. ول اقشالار قارىزدى قايتارۋ ٷشٸن ەمەس, ادامنىڭ ٶمٸر سٷرۋٸ ٷشٸن بەرٸلەدٸ. بٸراق بانكتەر مەن ميكروقارجى ۇيىمدارى وسىنى ەسكەرمەستەن, زەينەتاقىنى تابىس كٶزٸ رەتٸندە كٶرسەتٸپ, نەسيە بەرەدٸ. سودان كەيٸن سول زەينەتاقىدان قارىزدى تٸكەلەي ٶندٸرٸپ الادى. نەتيجەسٸندە ادامدار كەدەيشٸلٸك دەڭگەيٸنەن تٶمەن جاعدايدا ٶمٸر سٷرۋدە", – دەدٸ ەرلان ستامبەكوۆ.
ول بٷگٸنگٸ تاڭدا بانكتەر ازاماتتاردىڭ قارجىلىق جاعدايىنا شىنايى باعا بەرمەي, تٶلەم قابٸلەتٸن ەسكەرمەستەن نەسيە بەرە بەرەتٸنٸن سىنعا الدى.
"زەينەتاقى مەن ەلەۋمەتتٸك جەردەماقىنى تابىس رەتٸندە كٶرسەتۋ ارقىلى نەسيە رەسٸمدەلۋدە. تٸپتٸ جالعىز كٶلٸگٸ نەمەسە جالعىز باسپاناسىن كەپٸلگە قويىپ, سوڭعى مٷلكٸنەن ايىرىلىپ جاتقاندار كٶپ. وسى جاعدايلار ەلەۋمەتتٸك مەسەلەنٸ ودان سايىن كٷردەلەندٸرٸپ وتىر", – دەدٸ دەپۋتات.
وسىعان بايلانىستى ەرلان ستامبەكوۆ ەلەۋمەتتٸك وسال توپتار ٷشٸن بانكروتتىق رەسٸمٸن جەڭٸلدەتۋدٸ ۇسىندى. قازٸرگٸ 12 ايلىق مەرزٸمٸ ٶتپەگەن جاعدايدا دا بانكروتتىققا جٷگٸنۋ مٷمكٸندٸگٸن قاراستىرۋ قاجەت.
"ەڭ باستىسى – زەينەتاقى مەن ەلەۋمەتتٸك تٶلەمدەردٸ ازاماتتىڭ تابىسى رەتٸندە ەسەپتەۋگە زاڭمەن تىيىم سالىپ, نەسيەلٸك قارىزدى سول قارجىدان ٶندٸرٸپ الۋدى توقتاتۋ قاجەت", – دەپ اتاپ ٶتتٸ ستامبەكوۆ.
ەگەر بۇل ۇسىنىس زاڭ جٷزٸندە بەكٸتٸلسە, بانكتەر مەن كوللەكتورلار زەينەتاقى مەن ەلەۋمەتتٸك تٶلەمدەردەن قارىزدى اۆتوماتتى تٷردە ۇستاپ قالا المايدى. بۇل – ەلەۋمەتتٸك كٶمەك الاتىن نەمەسە زەينەتاقىمەن كٷن كٶرەتٸن جاندار ٷشٸن ٷلكەن جەڭٸلدٸك بولماق.
