جەتٸسۋ وبلىسىندا تۇڭعىش رەت جاڭا, زاماناۋي, ەكٸ قاباتتى كٸتاپحانا عيماراتى ارنايى سالىنىپ, قولدانىسقا بەرٸلدٸ. جوبا مەملەكەت باسشىسىنىڭ تاپسىرماسىنا سەيكەس ٸسكە اسىرىلدى. كەربۇلاق اۋدانىنىڭ سارىٶزەك اۋىلىندا ورنالاسقان كٸتاپحانانىڭ اشىلۋىنا وبلىس ەكٸمٸ بەيبٸت يساباەۆ قاتىستى, دەپ حابارلايدى dalanews.kz.
اۋدان تۇرعىندارىن جاڭا نىساننىڭ اشىلۋىمەن قۇتتىقتاعان وبلىس باسشىسى اۋىلدىق ەلدٸ مەكەندە زاماناۋي جاڭا كٸتاپحانانىڭ اشىلۋى جەتٸسۋ ٶڭٸرٸنٸڭ رۋحاني ٶمٸرٸندەگٸ ايتۋلى جاڭالىق ەكەنٸن اتاپ ٶتتٸ.
- بۇل – كٸتاپ وقۋ مەدەنيەتٸن دامىتۋ جەنە زاماناۋي كٸتاپحانا كەڭٸستٸكتەرٸن قالىپتاستىرۋ تۋرالى مەملەكەت باسشىسىنىڭ تاپسىرماسىن ٶڭٸردە ٸسكە اسىرۋدىڭ العاشقى باستاماسى. جاڭا كٸتاپحانادا كٸتاپ وقۋعا عانا ەمەس, تسيفرلىق رەسۋرستاردى پايدالانۋعا, جان-جاقتى ٸزدەنۋگە, تٷرلٸ مەدەني جەنە قوعامدىق ٸس-شارالار ٶتكٸزۋگە بارلىق جاعداي جاسالعان. كٸتاپحاناعا سالىنعان ينۆەستيتسييا – ەڭ الدىمەن ادام كاپيتالىنا, ۇلتتىڭ ينتەللەكتۋالدىق ەلەۋەتٸنە جاسالعان ينۆەستيتسييا. بۇل رەتتە وسى كيەلٸ وردادان بٸلٸمدٸ, سانالى, تەربيەلٸ, كٸتاپسٷيەر ۇرپاقتىڭ قالىپتاسىپ شىعاتىنىنا سەنٸمدٸمٸز. جاڭا نىسان وسىنداي يگٸ ماقساتتارعا قىزمەت ەتٸپ, ٶڭٸردٸڭ رۋحاني شامشىراعىنا اينالسىن! – دەدٸ ب. يساباەۆ.
مۇنان سوڭ جينالعان كٶپشٸلٸك كٸتاپحانانىڭ ٸشٸن ارالاپ كٶردٸ. سونىڭ ٸشٸندە مەجٸلٸس زالىن, وقۋ زالىن جەنە بالالار بٶلٸمٸن ارالاپ كٶردٸ.
كٸتاپحانا ديرەكتورى گٷلميرا احانقىزىنىڭ ايتۋىنشا, جاڭا كٸتاپحانانىڭ كٸتاپ قورى 53 مىڭنان اسادى. عيماراتتىڭ باستى ەرەكشەلٸگٸ - مۇندا بٸرنەشە وقىرمان زالىنىڭ بولۋى, اتاپ ايتقاندا مەكتەپ جاسىنا دەيٸنگٸ, مەكتەپ جاسىنداعى بالالارعا, ەرەسەكتەرگە ارنالعان ارنايى وقىرمان زالدارى قاراستىرىلعان. سونىمەن قاتار مەدياتەكاسى بار اقپاراتتىق-انىقتامالىق زال, كٶبەيتۋ زەرتحاناسى, اۋقىمدى كٸتاپ قويماسى ورنالاسقان. قازٸرگٸ تاڭدا كٸتاپحانا وقىرماندارىنىڭ سانى شامامەن 5570 ادام.
جاڭا كٸتاپحانا عيماراتىنىڭ اۋماعى 1620 شارشى مەتر. كٸتاپحانادا وقىرماندارعا قولايلى جاعداي جاسالىپ, زاماناۋي تالاپتارعا ساي جابدىقتالعان.
بٸرٸنشٸ قاباتتا كٸتاپحانانىڭ نەگٸزگٸ قىزمەتتٸك جەنە وقۋ زالدارى ورنالاسقان. مۇندا كٸتاپ قورىن زاماناۋي تالاپتارعا ساي ساقتاۋعا جەنە وقىرماندارعا ەلەكتروندى فورماتتا ۇسىنۋعا مٷمكٸندٸك بەرەتٸن سكانەرلەۋ جەنە تسيفرلاندىرۋ كابينەتٸ بار. سونداي-اق كومپيۋتەرمەن جەنە ينتەرنەتپەن جابدىقتالعان مۋلتيمەديا زالى جۇمىس ٸستەيدٸ. E-gov پورتالى ارقىلى ٶزٸنە-ٶزٸ قىزمەت كٶرسەتۋ بۇرىشى قاراستىرىلعان.
- بٸرەگەي زالداردىڭ بٸرٸ – 30 ورىندىق ٶلكەتانۋ زالى. مۇندا ٶلكەنٸڭ تاريحى مەن مەدەنيەتٸ, كەربۇلاق اۋدانىنان شىققان بەلگٸلٸ تۇلعالار تۋرالى كەڭ كٶلەمدە اقپارات بەرەتٸن كٸتاپ ماتەريالدارى قويىلعان. سونداي-اق بۇل زالدا اۋداننىڭ تاريحي-مەدەني مۇراسىن ساقتاۋدا ماڭىزدى ورنى بار سيرەك كەزدەسەتٸن كٸتاپتار توپتاماسى ساقتالعان. مۇنىڭ بەرٸ اۋدان تۇرعىندارى مەن قوناقتارىنىڭ يگلٸگٸ ٷشٸن ۇسىنىلىپ وتىر, – دەدٸ گ. احانقىزى.
كٸتاپحانانىڭ ەكٸنشٸ قاباتىندا كٸتاپحانانىڭ بالالار بٶلٸمٸ ورنالاسقان. مۇندا ينتەرنەتكە قوسىلعان, كومپيۋتەرمەن جابدىقتالعان ٸت-زال بار. سونداي-اق 56 ورىندىق وقۋ زالىندا بالالاردىڭ جاس ەرەكشەلٸكتەرٸنە ساي تٷرلٸ تاقىرىپتىق كٸتاپ كٶرمەلەرٸ ۇيىمداستىرىلعان. بۇل ولاردىڭ كٸتاپ وقۋعا دەگەن قىزىعۋشىلىعىن ارتتىرا تٷسەدٸ. ٷيٸرمەلەر ٶتكٸزۋ ٷشٸن «بالاۋسا» وقۋ كەڭٸستٸگٸ جەنە بالالاردىڭ پايدالى ۋاقىتىن ۇيىمداستىرۋعا ارنالعان كوۆوركينگ ورتالىعى قۇرىلعان. سونىمەن قاتار ەكٸنشٸ قاباتتا تٷرلٸ مەدەني ٸس-شارالاردى ٶتكٸزۋگە جاعداي جاسالعان اكت زالى ورنالاسقان.
بالالار بٶلٸمٸنٸڭ كٸتاپ قورىمەن تانىسقان وبلىس باسشىسى ونى الداعى ۋاقىتتا جاڭا قۇندىلىقتارعا نەگٸزدەلگەن جاڭا ەدەبيەتپەن تولىقتىرۋ كەرەك ەكەنٸن ايتتى. سول سيياقتى «بالالاردىڭ IT زالىنا» ينتەرنەتتٸ پايدالانىپ, بالالارعا ەلەمنٸڭ كەز كەلگەن ەلٸندەگٸ كٸتاپحانانىڭ وقىرمانى بولا الاتىنداي مٷمكٸندٸكتٸ ٷيرەتەتٸن مامانداردى ارنايى تارتۋدى تاپسىردى.
مەكتەپ وقۋشىلارى كٸتاپحانانىڭ وقۋ زالىندا كٸتاپ, بٸلٸم تۋرالى قازاق قالامگەرلەرٸنٸڭ ٶلەڭدەرٸن وقىدى.
ەسكە سالساق, بۇعان دەيٸن اۋداندىق كٸتاپحانا مەن بالالار كٸتاپحاناسى اۋىلدىق ەكٸمدٸك عيماراتىندا جەنە ەبٸكەن سارىباەۆ اتىنداعى اۋداندىق مەدەنيەت ٷيٸنٸڭ ٸشٸندە وتىرعان بولعان.
جالپى, ٶڭٸردە 150 كٸتاپحانا بار. ولاردا 128 كلۋب پەن ٷيٸرمەلەر, 29 كوۆوركينگ ورتالىعى جۇمىس ٸستەيدٸ. وبلىس قۇرىلعالى بەرٸ كٸتاپحانالارداعى كٸتاپ قورىنىڭ سانى 2,8 ميلليوننان استى.
