قازاقستاندا 2026 جىلدىڭ العاشقى سەگٸز ايىندا زەينەتاقى اننۋيتەتتەرٸ بويىنشا ساقتاندىرۋ تٶلەمدەرٸنٸڭ كٶلەمٸ 81,5 ملرد تەڭگەنٸ قۇرادى. ال ساقتاندىرۋ سىيلىقاقىلارىنىڭ كٶلەمٸ 624,7 ملرد تەڭگەگە جەتتٸ, دەپ حابارلايدى dalanews.kz.
مينيسترلٸكتٸڭ مەلٸمەتٸنشە, زەينەتاقى اننۋيتەتٸ ازاماتقا جيناقتالعان زەينەتاقى قاراجاتىن ٶمٸردٸ ساقتاندىرۋ كومپانيياسىنا اۋدارىپ, ونىڭ ورنىنا تۇراقتى تٶلەمدەر الۋعا مٷمكٸندٸك بەرەدٸ. تٶلەمدەر ساقتاندىرىلعان ادامنىڭ ٶمٸر بويى جالعاسادى. تٸپتٸ تٶلەنگەن جالپى سوما باستاپقىدا اۋدارىلعان قاراجاتتان اسىپ كەتسە دە, ساقتاندىرۋ تٶلەمدەرٸ توقتاتىلمايدى.
زەينەتاقى اننۋيتەتٸ شارتىن جاساۋ ٷشٸن ازامات بەلگٸلەنگەن جاسقا جەتٸپ, جەتكٸلٸكتٸ مٶلشەردە زەينەتاقى جيناعىن يەلەنۋٸ كەرەك. قاجەتتٸ قاراجات كٶلەمٸ ادامنىڭ جاسىنا جەنە بولاشاق تٶلەمدەردٸڭ شارتتارىنا قاراي جەكە ەسەپتەلەدٸ.
ۆەدومستۆونىڭ تٷسٸندٸرۋٸنشە, 2026 جىلى دەرەۋ تٶلەم باستالاتىن زەينەتاقى اننۋيتەتٸن 55 جاسقا تولعان ەرلەر مەن 53 جاسقا تولعان ەيەلدەر رەسٸمدەي الادى. ەگەر ازامات ٷشٸن مٸندەتتٸ كەسٸپتٸك زەينەتاقى جارنالارى جالپى العاندا كەمٸندە 60 اي تٶلەنگەن بولسا, جەتكٸلٸكتٸ جيناق بولعان جاعدايدا اننۋيتەتتٸ 50 جاستان باستاپ رەسٸمدەۋگە مٷمكٸندٸك بار.
سونىمەن قاتار كەيٸنگە قالدىرىلعان زەينەتاقى اننۋيتەتٸ قاراستىرىلعان. مۇنداي شارتتى 45 جاستان باستاپ, ال مٸندەتتٸ كەسٸپتٸك زەينەتاقى جارنالارى كەمٸندە 60 اي تٶلەنگەن جاعدايدا 40 جاستان باستاپ جاساۋعا بولادى. بۇل رەتتە ساقتاندىرۋ تٶلەمدەرٸ زاڭنامادا جەنە شارتتا بەلگٸلەنگەن جاسقا جەتكەننەن كەيٸن باستالادى.
مينيسترلٸك مەلٸمەتٸنشە, ساقتاندىرۋ تٶلەمدەرٸ جىل سايىن ۇلعايادى. نورماتيۆتٸك قۇقىقتىق اكتٸدە بەلگٸلەنگەن يندەكستەۋ مٶلشەرلەمەسٸ كەمٸندە 8%-دى قۇرايدى. ناقتى تالاپتار ساقتاندىرۋ شارتىندا كٶرسەتٸلەدٸ.
سونداي-اق شارتتا تٶلەمدەردٸڭ كەپٸلدٸك بەرٸلگەن كەزەڭٸ قاراستىرىلۋى مٷمكٸن. ەگەر ساقتاندىرىلعان ادام وسى كەزەڭ اياقتالعانعا دەيٸن قايتىس بولسا, شارت تالاپتارىنا سەيكەس تٶلەمدەر ونىڭ مۇراگەرلەرٸنە بەرٸلەدٸ. بۇل مەحانيزم بٸرىڭعاي جيناقتاۋشى زەينەتاقى قورىنداعى جيناقتىڭ قالدىعىن مۇراعا قالدىرۋ تەرتٸبٸنەن ەرەكشەلەنەدٸ.
زەينەتاقى اننۋيتەتٸن رەسٸمدەۋ ازاماتتىڭ ەڭبەك قىزمەتٸن جالعاستىرۋىنا كەدەرگٸ كەلتٸرمەيدٸ. ال مەملەكەتتٸك زەينەتاقى الۋ قۇقىعى زاڭناما تالاپتارىنا سەيكەس بٶلەك ايقىندالادى.
زەينەتاقى اننۋيتەتٸن ساقتاندىرۋ قىزمەتتەرٸن مينيسترلٸككە قاراستى مەملەكەتتٸك اننۋيتەتتٸك كومپانييا دا ۇسىنادى. كومپانييا ازاماتتارعا جيناقتارىنىڭ جەتكٸلٸكتٸلٸگٸ مەن بولاشاق تٶلەمدەردٸڭ مٶلشەرٸنە قاتىستى كەڭەس بەرەدٸ.
شارت جاساماس بۇرىن ازاماتتارعا ساقتاندىرۋ ۇيىمدارىنىڭ ۇسىنىستارىن سالىستىرۋ, باستاپقى تٶلەم مٶلشەرٸن, يندەكستەۋ تەرتٸبٸن, كەپٸلدٸك كەزەڭٸنٸڭ شارتتارىن جەنە كەلٸسٸمدٸ ٶزگەرتۋ مٷمكٸندٸكتەرٸن مۇقييات زەردەلەۋ ۇسىنىلادى. الدىن الا ەسەپتٸ ساقتاندىرۋ كومپانيياسىنان الۋعا بولادى. بۇدان بٶلەك, بجزق مەن ساقتاندىرۋ ۇيىمىنان بولجامدى تٶلەمدەردٸ سالىستىرۋ ٷشٸن enpf.kz سايتىنداعى بولجامدى زەينەتاقى كالكۋلياتورىن پايدالانۋعا بولادى.
