ريددەردەگٸ اۋرۋحانا كەشەنٸنٸڭ قۇرىلىسىن اياقتاۋعا قايتارىلعان اكتيۆتەردەن 28 ملرد تەڭگەدەن استام قاراجات بٶلٸندٸ, - دەپ حابارلايدى Dalanews.kz ٷكٸمەتتٸڭ باسپاسٶز قىزمەتٸنە سٸلتەپ.
مەملەكەت باسشىسىنىڭ تاپسىرماسىمەن "زاڭسىز يەمدەنٸلگەن اكتيۆتەردٸ مەملەكەتكە قايتارۋ تۋرالى" زاڭ شەڭبەرٸندە قايتارىلعان قاراجاتتان ريددەر قالاسىنداعى 200 ورىندىق ستاتسيونارى مەن بٸر اۋىسىمدا 500 ادامدى قابىلداي الاتىن ەمحاناسى بار كٶپسالالى اۋرۋحانا كەشەنٸنٸڭ قۇرىلىسىن اياقتاۋعا 28,2 ملرد تەڭگە بٶلٸندٸ.
ٷكٸمەت 2021 جىلى باستالعان اۋرۋحانا كەشەنٸنٸڭ قۇرىلىسىن اياقتاۋ ٷشٸن قاراجات بٶلۋ تۋرالى شەشٸم قابىلدادى. جوبانىڭ جالپى قۇنى – 34,8 ملرد تەڭگە, قازٸرگٸ ۋاقىتتا 6,6 ملرد تەڭگە يگەرٸلدٸ, ونىڭ ٸشٸندە 2 ملرد تەڭگە رەسپۋبليكالىق بيۋدجەتتەن, 4,6 ملرد تەڭگە جەرگٸلٸكتٸ بيۋدجەتتەن بٶلٸنگەن. قالعان قاراجات ارناۋلى مەملەكەتتٸك قوردان بٶلٸنەدٸ.
بۇعان دەيٸن شىعىس قازاقستان وبلىسىنا جۇمىس ساپارى بارىسىندا پرەمەر-مينيستر ولجاس بەكتەنوۆكە قۇرىلىس الاڭىن قاراۋ كەزٸندە جۇمىستى اياقتاۋ ٷشٸن جوبانى قارجىلاندىرۋ قاجەتتٸلٸگٸ تۋرالى باياندالعان بولاتىن. قابىلدانعان شارالار ەلەۋمەتتٸك ماڭىزى بار وبەكتٸنٸڭ "ساقالدى قۇرىلىس" تٸزٸمٸنە ەنۋٸنە جول بەرمەۋگە جەنە تۇرعىنداردى ساپالى جەنە قولجەتٸمدٸ مەديتسينالىق قىزمەتتەرمەن قامتاماسىز ەتۋگە مٷمكٸندٸك بەرەدٸ.
اۋرۋحانا كەشەنٸنٸڭ اشىلۋى دەموگرافييالىق جٷكتەمەسٸ جوعارى مونوقالا ٷشٸن ٶتە ماڭىزدى. ريددەردٸڭ حالقى 55 مىڭ ادامدى قۇرايدى, ونىڭ 22,7%-ى 60 جاستان اسقان. قالانىڭ ەر تٷكپٸرٸندەگٸ 12 عيماراتتا ورنالاسقان جالعىز اۋرۋحانا كەشەنٸنٸڭ عيماراتتارى 80 جىلدان استام ۋاقىت بۇرىن سالىنعان. نىساندار ەسكٸرگەن جەنە قازٸرگٸ زامانعى تالاپتارعا سەيكەس كەلمەيدٸ. سونىمەن قاتار حالىققا شۇعىل مەديتسينالىق كٶمەك كٶرسەتۋ ٷشٸن قوسىمشا كارديولوگييالىق, ينسۋلتتٸك, تراۆماتولوگييالىق جەنە كٷيٸك تٶسەكتەرٸن اشۋ قاجەت.
جاڭا كٶپسالالى كەشەننٸڭ جالپى اۋدانى – 40 مىڭ م2. اۋرۋحانا ساراپتامالىق كلاستاعى مەديتسينالىق جابدىقتارمەن جابدىقتالادى. مۇندا 500-دەن استام قىزمەتكەر جۇمىس ٸستەيتٸن بولادى.
بۇعان دەيٸن قاراجات اقتٶبە قالاسىندا ەرەكشە قاجەتتٸلٸكتەرٸ بار بالالارعا ارنالعان ارنايى بالاباقشا, اقمولا وبلىسى زەرەندٸ اۋىلىندا سپورت كەشەنٸ, تٷركٸستان وبلىسى تەمٸرلان اۋىلىندا مۋزىكا مەكتەبٸ, ارقالىق قالاسىندا دارىندى سپورتشى بالالارعا ارنالعان سپورت كەشەنٸ, استانادا تٸرەك-قيمىل اپپاراتى بۇزىلعان بالالارعا ارنالعان وڭالتۋ ورتالىعى, الماتىدا ەرەكشە قاجەتتٸلٸكتەرٸ بار ادامدارعا ارنالعان جاتتىعۋ ورتالىعى قۇرىلىسىنا باعىتتالعان بولاتىن.
