Ridderdegi aýrýhana kesheniniń qurylysyn aiaqtaýǵa qaitarylǵan aktivterden 28 mlrd teńgeden astam qarajat bólindi, - dep habarlaidy Dalanews.kz Úkimettiń baspasóz qyzmetine siltep.
Memleket basshysynyń tapsyrmasymen "Zańsyz iemdenilgen aktivterdi memleketke qaitarý týraly" Zań sheńberinde qaitarylǵan qarajattan Ridder qalasyndaǵy 200 oryndyq statsionary men bir aýysymda 500 adamdy qabyldai alatyn emhanasy bar kópsalaly aýrýhana kesheniniń qurylysyn aiaqtaýǵa 28,2 mlrd teńge bólindi.
Úkimet 2021 jyly bastalǵan aýrýhana kesheniniń qurylysyn aiaqtaý úshin qarajat bólý týraly sheshim qabyldady. Jobanyń jalpy quny – 34,8 mlrd teńge, qazirgi ýaqytta 6,6 mlrd teńge igerildi, onyń ishinde 2 mlrd teńge respýblikalyq biýdjetten, 4,6 mlrd teńge jergilikti biýdjetten bólingen. Qalǵan qarajat Arnaýly memlekettik qordan bólinedi.
Buǵan deiin Shyǵys Qazaqstan oblysyna jumys sapary barysynda Premer-Ministr Oljas Bektenovke qurylys alańyn qaraý kezinde jumysty aiaqtaý úshin jobany qarjylandyrý qajettiligi týraly baiandalǵan bolatyn. Qabyldanǵan sharalar áleýmettik mańyzy bar obektiniń "saqaldy qurylys" tizimine enýine jol bermeýge jáne turǵyndardy sapaly jáne qoljetimdi meditsinalyq qyzmettermen qamtamasyz etýge múmkindik beredi.
Aýrýhana kesheniniń ashylýy demografiialyq júktemesi joǵary monoqala úshin óte mańyzdy. Ridderdiń halqy 55 myń adamdy quraidy, onyń 22,7%-y 60 jastan asqan. Qalanyń ár túkpirindegi 12 ǵimaratta ornalasqan jalǵyz aýrýhana kesheniniń ǵimarattary 80 jyldan astam ýaqyt buryn salynǵan. Nysandar eskirgen jáne qazirgi zamanǵy talaptarǵa sáikes kelmeidi. Sonymen qatar halyqqa shuǵyl meditsinalyq kómek kórsetý úshin qosymsha kardiologiialyq, insýlttik, travmatologiialyq jáne kúiik tósekterin ashý qajet.
Jańa kópsalaly keshenniń jalpy aýdany – 40 myń m2. Aýrýhana saraptamalyq klastaǵy meditsinalyq jabdyqtarmen jabdyqtalady. Munda 500-den astam qyzmetker jumys isteitin bolady.
Buǵan deiin qarajat Aqtóbe qalasynda erekshe qajettilikteri bar balalarǵa arnalǵan arnaiy balabaqsha, Aqmola oblysy Zerendi aýylynda sport kesheni, Túrkistan oblysy Temirlan aýylynda mýzyka mektebi, Arqalyq qalasynda daryndy sportshy balalarǵa arnalǵan sport kesheni, Astanada tirek-qimyl apparaty buzylǵan balalarǵa arnalǵan ońaltý ortalyǵy, Almatyda erekshe qajettilikteri bar adamdarǵa arnalǵan jattyǵý ortalyǵy qurylysyna baǵyttalǵan bolatyn.
