جاڭاٶزەننٸڭ تۋماسى, بٷگٸندە اقش-تىڭ تەحاس شتاتىندا تۇراتىن انۋاربەك يمانباەۆ شەتەلدەگٸ ٶمٸرٸ, قازاقى بولمىسىن ساقتاۋى, Tesla كومپانيياسىمەن بايلانىسى جەنە يلون ماسكپەن تانىستىعى تۋرالى “تسۋكەربەرگتٸڭ كٶرشٸلەرٸ” YouTube ارناسىنا بەرگەن سۇحباتىندا مەلٸمدەدٸ, دەپ حابارلايدى dalanews.kz.
اقش-قا قونىس اۋدارۋى
انۋاربەك يمانباەۆتىڭ ايتۋىنشا, ونىڭ وتباسى 1992 جىلى اقش-قا كٶشكەن. بۇل مٷمكٸندٸك ەكەسٸنٸڭ امەريكالىق مۇناي كومپانيياسىندا تاعىلىمدامادان ٶتۋٸنە بايلانىستى تۋعان. ول كەزدە انۋاربەك نەبەرٸ توعىز جاستا بولعان.
باستاپقىدا وتباسى اعىلشىن تٸلٸن مەڭگەرٸپ, كەيٸن قازاقستانعا قايتا ورالۋدى جوسپارلاعان. الايدا ۋاقىت ٶتە كەلە اقش-تا تۇراقتاپ قالعان.
يمانباەۆ كەيٸن ەكەسٸنٸڭ جولىن قۋىپ, مۇناي-گاز سالاسىندا ەڭبەك ەتكەن. ول اقش-تاعى ٸرٸ جەكە كومپانييالاردا جۇمىس ٸستەپ, مۇناي ٶندٸرٸسٸندەگٸ IT تەحنولوگييالارىن ەنگٸزۋ جوبالارىنا قاتىسقان.
قازاق تٸلٸن قالاي ساقتاپ قالدى?
امەريكادا 34 جىل تۇرسا دا, انۋاربەك قازاق تٸلٸن ۇمىتپاعانىن ايتادى. ونىڭ سٶزٸنشە, بۇعان ەڭ الدىمەن اتا-اناسىنىڭ ۇستانىمى ەسەر ەتكەن.
“كٶپشٸلٸك اقش-قا كٶشكەن سوڭ جەرگٸلٸكتٸ ورتاعا بەيٸمدەلۋ ٷشٸن اتىن ٶزگەرتەدٸ. بٸزدە ولاي بولعان جوق. ەكەم بٸزدٸ ەڭ الدىمەن پاتريوت ەتٸپ تەربيەلەدٸ. بٸز ەردايىم قازاق ەكەنٸمٸزدٸ ماقتان تۇتتىق”, – دەيدٸ ول.
سونىمەن قاتار ول قازاقستانعا العاش كەلگەن جىلدارى كەيبٸر ادامداردىڭ ٶزٸن ورىسشا سٶيلەمەگەنٸ ٷشٸن تٷسٸنبەي, تٸپتٸ بٸلٸمسٸز ادامداي قابىلداعانىن ايتتى.
“ادامدار مەنٸ ورىسشا سٶيلەمەگەنٸم ٷشٸن بٸلٸمسٸز ادامداي كٶرەتٸن. بٸراق مەن ٷشٸن قازاق تٸلٸن جوعالتپاۋ بەرٸنەن ماڭىزدى بولدى”, – دەدٸ يمانباەۆ.
ونىڭ پٸكٸرٸنشە, قاي ەلدە ٶمٸر سٷرسە دە, ادام ٶزٸنٸڭ ۇلتتىق بولمىسىن ساقتاپ قالۋى تيٸس.
“قازاقستاندىقتارعا ايتار كەڭەسٸم – تۋعان جەرلەرٸڭٸزدٸ ماقتان تۇتىڭىزدار. امەريكالىق بولۋعا تىرىسۋدىڭ قاجەتٸ جوق. قازاق بولىپ قالۋ – ەڭ ٷلكەن قۇندىلىق”, – دەدٸ ول.
Tesla-داعى جولى
انۋاربەك يمانباەۆتىڭ ايتۋىنشا, ونىڭ ٶمٸرٸندەگٸ بەتبۇرىس 2012 جىلى بولعان. سول كەزدە ەرٸپتەستەرٸنٸڭ بٸرٸ Tesla كومپانيياسىنا جۇمىسقا اۋىسىپ, ونى يلون ماسك نەگٸزٸن قالاعان كومپانييامەن تانىستىرعان.
فريمونتتاعى Tesla زاۋىتىنا بارعاننان كەيٸن كومپانييانىڭ بولاشاعىنا سەنٸمٸ ارتىپ, ەلگە ورالعان سوڭ بارلىق دەرلٸك جيناعىن Tesla اكتسييالارىنا ينۆەستيتسييالاعان.
“ول كەزدە بٷگٸنگٸ بٸز بٸلەتٸن Tesla جوق ەدٸ. كٶپشٸلٸك بۇل كومپانيياعا كٷمەنمەن قارايتىن. بٸراق زاۋىتتى كٶرگەننەن كەيٸن كومپانييانىڭ بولاشاعىنا قاتتى سەندٸم. ٷيگە بارعان سوڭ بار جيناعىمدى Tesla اكتسييالارىن ساتىپ الۋعا جۇمسادىم”, – دەدٸ ول.
كەيٸن يمانباەۆ Tesla قاۋىمداستىعىنىڭ بەلسەندٸ مٷشەسٸنە اينالىپ, حيۋستوندا Tesla يەلەرٸنٸڭ كلۋبىن قۇرعان. سونداي-اق Tesla Geeks اتتى YouTube ارناسىن اشىپ, Tesla مەن SpaceX تاقىرىبىندا پودكاست جٷرگٸزە باستاعان.
يمانباەۆتىڭ سٶزٸنشە, Tesla-نىڭ رەفەرالدىق باعدارلاماسى ارقىلى 200-دەن استام ەلەكتروموبيلدٸڭ ساتىلۋىنا ىقپال ەتكەن.
“مەن Tesla-نى ادامدارعا جاي عانا جارنامالاعان جوقپىن. كومپانييانىڭ يدەياسىنا شىن سەندٸم. سونىڭ نەتيجەسٸندە 200-دەن استام كٶلٸكتٸڭ ساتىلۋىنا ٷلەس قوستىم”, – دەدٸ ول.
وسىنىڭ نەتيجەسٸندە 2018 جىلدىڭ قورىتىندىسىندا سولتٷستٸك امەريكاداعى Tesla-نىڭ ٷزدٸك رەفەرالى اتانىپ, سىيلىق رەتٸندە قۇنى شامامەن 170 مىڭ دوللار تۇراتىن Tesla Model S العان. كەيٸن تاعى ەكٸ Tesla Roadster ەلەكتروموبيلٸن ۇتىپ العان.
يلون ماسكپەن كەزدەسۋٸ
انۋاربەك يمانباەۆ يلون ماسكپەن بٸرنەشە رەت كەزدەسكەنٸن ايتىپ, ەستە قالعان سەتتەردٸڭ بٸرٸ Tesla Model Y تانىستىرىلىمىندا بولعانىن ەسكە الدى.
“يلون ماسك ساحناعا شىققاندا كٶپشٸلٸك تٷرلٸ ەلدەردٸڭ اتىن ايتىپ جاتتى. مەن “Kazakhstan!” دەپ قاتتى داۋىستادىم. ول ماعان قاراپ, كەيٸن “We are going to Kazakhstan” دەدٸ. سول سەت مەن ٷشٸن ەرەكشە ەسەرلٸ بولدى”, – دەدٸ ول.
ونىڭ ايتۋىنشا, وسى كەزدەسۋلەردەن كەيٸن Tesla باسشىلىعىمەن قازاقستانداعى ەلەكتروموبيل ينفراقۇرىلىمىن دامىتۋ مەسەلەلەرٸ دە تالقىلانعان.
يمانباەۆتىڭ سٶزٸنشە, كومپانييا باسشىلىعىمەن جٷرگٸزٸلگەن كەلٸسسٶزدەردٸڭ نەتيجەسٸندە استانا مەن الماتىدا العاشقى Tesla Supercharger قۋاتتاۋ ستانتسييالارى ورناتىلعان.
