زايسان اۋدانىنداعى حالىقارالىق ەۋەجاي قۇرىلىسى بەلگٸلەنگەن كەستەگە ساي جالعاسۋدا. قازٸرگٸ ۋاقىتتا نىساننىڭ 75 پايىزدان استامى اياقتالعان. قۇرىلىس الاڭىندا 310 جۇمىسشى ەكٸ اۋىسىممەن ەڭبەك ەتٸپ, 75 ارنايى تەحنيكا جۇمىلدىرىلعان, دەپ حابارلايدى dalanews.kz.
ٶڭٸر ٷشٸن ستراتەگييالىق ماڭىزى جوعارى جوبانىڭ قۇرىلىس بارىسىمەن تانىسقان شقو ەكٸمٸ نۇرىمبەت ساقتاعانوۆ مەردٸگەرلەرگە جۇمىستىڭ ساپاسى مەن مەرزٸمٸنە قاتىستى تالاپتىڭ قاتاڭ ەكەنٸن كەزەكتٸ رەت ەسكەرتتٸ. بۇل – تەك وبلىس ٷشٸن ەمەس, ەل كٶلەمٸندەگٸ ماڭىزدى ينفراقۇرىلىمدىق نىسانداردىڭ بٸرٸ.
– ساپا جەنە تاعى دا ساپا. بۇل كەزەكتٸ قۇرىلىس نىسانى ەمەس. وبلىستى ايتپاعاندا, ەلٸمٸز ٷشٸن دە ايرىقشا ماڭىزعا يە ەۋەجاي. سوندىقتان جۇمىس جوسپارلانعان مەرزٸمنەن كەشٸكپەۋٸ تيٸس. قانداي قوسىمشا سۇراقتار بولسا ايتىڭىزدار. ٶيتكەنٸ, نىسان ٷشٸن بٸرٸنشٸ كەزەكتە جاۋاپكەرشٸلٸك سٸزدەردەن سۇرالاتىن بولادى. ەۋەجاي قۇرىلىسى كەستەگە ساي اياقتالۋى ٷشٸن بارلىق مٷمكٸندٸكتەر جاسالۋدا, - دەدٸ ايماق باسشىسى.
مەردٸگەر ۇيىم – «ەلحون» جشس مەلٸمەتٸنشە, قازٸرگٸ تاڭدا ەۋەجايدىڭ نەگٸزگٸ ينفراقۇرىلىمدىق بٶلٸكتەرٸ تولىق اياقتالعان.
– جالپى اتقارىلعان جۇمىستارعا توقتالساق, ۇشىپ-قونۋ جولاعى تولىق اياقتالدى. پەررون مەن رۋلەج جولدارى دا جٷز پايىز دايىن. بارلىق ينجەنەرلٸك-كوممۋنيكاتسييالىق جەلٸلەر جٷرگٸزٸلدٸ. قازٸر تٶرتٸنشٸ كەزەڭ بويىنشا جۇمىس اتقارىلىپ جاتىر. بۇل كەزەڭدە تەرمينال, اۆارييالىق-قۇتقارۋ قىزمەتٸ جەنە ٶزگە دە نىسانداردىڭ قۇرىلىسى قامتىلعان, – دەدٸ «ەلحون» جشس ديرەكتورى جانبولات قازانوۆ.
جوبا اياسىندا ەۋەجاي اۋماعىندا جالپى 11 عيمارات سالۋ كٶزدەلگەن. قازٸرگٸ ۋاقىتتا بارلىق نىساندا قۇرىلىس جۇمىستارىنىڭ قارقىنى جوعارى. سونىمەن قاتار, اباتتاندىرۋ دا قاتار جٷرگٸزٸلۋدە.
وبلىس ەكٸمٸ قۇرىلىس ساپاسىنا قويىلاتىن تالاپتىڭ ەر كەزەڭدە قاتاڭ باقىلاۋدا بولاتىنىن اتاپ ٶتتٸ. ەۋەجايدىڭ ۋاقتىلى ەرٸ تالاپقا ساي پايدالانۋعا بەرٸلۋٸ – حالىق الدىنداعى جاۋاپكەرشٸلٸك پەن ٶڭٸردٸڭ كٶلٸك-لوگيستيكالىق ەلەۋەتٸن ارتتىرۋداعى ماڭىزدى مٸندەتتەردٸڭ بٸرٸ.
ٶز كەزەگٸندە مەردٸگەر كومپانييا باسشىسى قۇرىلىس جۇمىستارىنا كەدەرگٸ كەلتٸرەتٸن مەسەلە جوق ەكەنٸن جەتكٸزدٸ.
– جۇمىستار جوسپارعا سەيكەس جٷرگٸزٸلۋدە. قۇرىلىس ماتەريالدارى جەتكٸلٸكتٸ. ەۋەجايعا ورناتىلاتىن جابدىقتار تولىق ساتىپ الىنىپ, دايىن تۇر. الدىن الا جوسپار بويىنشا, بيىل 12 شٸلدەدەن باستاپ سىناق رەتٸندە العاشقى ۇشۋلاردى باستاۋدى كٶزدەپ وتىرمىز, – دەدٸ جانبولات قازانوۆ.
