قازاقستاندا ەڭ كوپ جالاقى الاتىندار - جاستار ەمەس. ۇلتتىق ستاتيستيكا بيۋروسىنىڭ دەرەگىنە سۇيەنسەك، 16–24 جاس ارالىعىنداعى جۇمىسشىلار (Z ۇرپاعى) ەڭ تومەن جالاقى الادى: 2025 جىلى ولاردىڭ ورتاشا ايلىعى 279،9 مىڭ تەڭگە، دەپ حابارلايدى Dalanews.kz Energyprom.kz سايتىنا سىلتەمە جاساپ. 

كىمدەر ەڭ جوعارى جالاقى الادى؟

ەڭ جوعارى تابىس - 35–44 جاس ارالىعىنداعى قازاقستاندىقتاردا. بۇل توپتا ورتاشا جالاقى 455،1 مىڭ تەڭگە. ودان كەيىنگى ورىندا - 45–54 جاس توبى (430 مىڭ تەڭگە).

جالاقىسى تومەندەر:

55 جاستان اسقاندار - 377،4 مىڭ تەڭگە

جۇمىس ىستەيتىن زەينەتكەرلەر - 337،3 مىڭ تەڭگە

ءبىلىم دەڭگەيى جالاقىعا قالاي اسەر ەتەدى؟

ەڭ جوعارى ايلىق - ماگيستراتۋرا جانە اسپيرانتۋرا بىتىرگەندەردە:
672،5 مىڭ تەڭگە.

جوو بىتىرگەندەر - 497،6 مىڭ تەڭگە.
ورتا بىلىممەن جۇمىس ىستەيتىندەر - 289،7 مىڭ تەڭگە، ءارى جالاقى ءوسىمى دە ەڭ باياۋ.

وڭىرلەردەگى جالاقى ايىرماسى

ەڭ جوعارى ورتاشا جالاقى - شيكىزاتتىق وڭىرلەردە:

اتىراۋ وبلىسى - 633،3 مىڭ تەڭگە

ماڭعىستاۋ وبلىسى - 580،9 مىڭ تەڭگە

ۇلىتاۋ وبلىسى - 533،6 مىڭ تەڭگە

ەڭ تومەن ورتاشا جالاقى:

سولتۇستىك قازاقستان

جەتىسۋ وبلىسى - 293 مىڭ تەڭگە شاماسىندا

تۇركىستان وبلىسى - 295،3 مىڭ تەڭگە

قانداي سالالاردا ەڭ كوپ تولەيدى؟

باسشىلار مەن مەنەدجەرلەر - 685،9 مىڭ تەڭگە (مەمقىزمەتكەرلەر ەمەس، نەگىزىنەن جوعارى باسقارۋشى بۋىن).

ونەركاسىپ، كولىك، قۇرىلىس، وپەراتورلار جانە جۇرگىزۋشىلەر - 460 مىڭ تەڭگەدەن جوعارى.

كاسىبي ماماندار - 443 مىڭ تەڭگە.

ەڭ تومەنگى جالاقى - بىلىكتىلىگى تومەن جۇمىسشىلاردا: 180،2 مىڭ تەڭگە.

گەندەرلىك ايىرماشىلىق

ەرلەردىڭ جالاقىسى بارلىق ساناتتاردا ايەلدەردەن جوعارى.

ونەركاسىپتە ايىرماشىلىق 26%، قىزمەت كورسەتۋ سالاسىندا - بار-جوعى 4%.

كىم قانشا الادى؟

بارلىق جۇمىسكەرلەردىڭ:

31% - ايىنا 300–400 مىڭ تەڭگە الادى

21،7% - 200–300 مىڭ تەڭگە

21،3% - 100–200 مىڭ تەڭگە

ورتاشا جالاقىدان (≈430 مىڭ تگ) جوعارى تابىس الاتىندار - 23%. ايىنا 1،1 ملن تەڭگەدەن كوپ الاتىندار - نەبارى 3،9% (شامامەن 130 مىڭ ادام).