«ريددەر جەو» اق بيىلعى قىستا اپاتقا ۇشىراپ، ارا كىدىك توقتاپ قالعانى بەلگەلى. الايدا قوندىرعىلاردىڭ توزعانىنا، مەنشىك يەسىنىڭ اۋىسۋىمەن جانە كاسىپورىننىڭ ميللياردتاعان قارىزىنا قاراماستان، شقو اكىمدىگى قالاداعى ەنەرگەتيكا تاپشىلىعىنىڭ الدىن الىپ، 60 مىڭعا جۋىق حالقى بار قالانى جىلۋمەن قامتاماسىز ەتەتىن ەنەرگەتيكالىق نىساندى ءوز باقىلاۋىنا الىپ، ونى قالپىنا كەلتىرۋگە كىرىستى.
– ماڭىزدى جۇمىستىڭ ءبىرىنشى كەزەڭى باستالدى. بارلىق 6 قازاندىق كۇردەلى جوندەۋدى قاجەت ەتەدى. بۇل رەتتە بىزدە جىلۋ بەرۋ ماۋسىمى قارساڭىندا قىسقا مەرزىم مەن حالىق الدىندا ۇلكەن جاۋاپكەرشىلىك تۇر. بارلىق كۇردەلى تەحنيكالىق جابدىقتاردى اۋىستىرامىز. ايتالىق، 6 ۇلكەن شارلى ديىرمەندى "قازمىرىش" زاۋىتى جاسايدى. ال قالعان باسقا جابدىقتار نەگىزىنەن شقو زاۋىتتارىندا جوندەلەدى.
تاعى ءبىر ماڭىزدى مىندەت – عيماراتتىڭ كونتۋرىن جابۋ جانە جىلۋدىڭ شىعۋىنا جول بەرمەۋگە دە باسا ءمان بەرىپ وتىرمىز.
ءۇشىنشى مىندەت – شاڭدى جويۋ. جۇمىسشىلار مىنا شاڭ-توزاڭمەن تىنىستاماس ءۇشىن، ونداعان جىلدار بويى جۇمىس ىستەمەگەن جەلدەتكىشتى قالپىنا كەلتىرۋ قاجەت.
ءتورتىنشى مىندەت – ەنەرگەتيكالىق بولىك. مۇندا بار 3 تۋربينا 50 مۆت-تان استام وندىرە الادى، ءبىراق بۇل ءقازىر مۇمكىن ەمەس. ءبىز ولاردى ءوز تۇتىنۋىمىزدى جابۋ ءۇشىن 25-30 مۆت-قا شىعارعىمىز كەلەدى، ال ەنەرگيانىڭ از مولشەرىن «قازمىرىشقا» نەمەسە قالاعا بەرۋ جوسپارلانۋدا، – دەدى شقو اكىمى دانيال احمەتوۆ.
سونداي-اق، جەو بولعان 3 ءورت جانە 2 جارىلىس سالدارىنان كومىر جەتكىزۋ جولى زارداپ شەككەن-دى. جۇمىسشىلارعا 267 توننا جانارمايدى قولمەن جەتكىزىپ كەلگەن. تراكت قىسقا مەرزىمدە قالپىنا كەلتىرىلدى.
ءبىراق ءقازىر 1 تراكتىنى جوندەۋدى اياقتاۋ جانە رەزەرۆتىك جەلىنى ىسكە قوسۋ، سونداي-اق ورتتەن كەيىن قۇرىلىمداردى قالپىنا كەلتىرۋ بويىنشا جۇمىستار جۇرگىزىلۋدە.
سونىمەن قاتار جەو-نا پورتالدىق كران ساتىپ الۋ كەرەك. اتقارۋشى بيلىك جاڭاسىن ساتىپ الماق، بولماسا كومىردى ءتۇسىرۋ ماسەلەسىن شەشۋ ءۇشىن 2 ەكسكاۆاتور تاۋىپ بەرمەكشى. ستانسيانىڭ مازۋت قوندىرعىلارى دا جۇمىس جاعدايىنا كەلتىرىلدى. الايدا جەو جۇرەگى، باگەت ستانسياسى كۇردەلى جوندەۋدى قاجەت ەتەدى.
سونىمەن قاتار، كۇل ۇيىندىسىندە دە اۋىقىمدى جوندەۋ جۇمىستارى جۇرگىزىلەتىن بولادى. ماماندار بۇل ماسەلەنىڭ تەحنيكالىق شەشىمىن ويلاستىرىپ ۇلگەرگەن. جوندەۋ جۇمىستارى كەزىندە كۇل ءۇيىندىسىنىڭ ەكىنشى بولىگىن قايتا جاڭارتۋ جوسپارلاپ وتىر.
تاعى ءبىر ماسەلە گروموتۋحا وزەنىندە شۇعا پايدا بولعان كەزەڭدە جىلۋ كوزىن جانە جالپى قالانى سۋمەن قامتاماسىز ەتۋدە قيىندىقتار تۋىندايتىنى بەلگىلى. «ۆودوكانال ريددەر» مەكەمەسىنىڭ باسشىلىعى قالا تۇرعىندارى مەن ستانساسىن ۇزدىكسىز سۋمەن قامتاماسىز ەتۋ ءۇشىن جوبالاردى ازىرلەۋدە.
ريددەردە سوڭعى 5 جىلدا العاش رەت جىلۋ جەلىلەرىنىڭ گيدراۆليكالىق سىناقتارى جۇرگىزىلدى. 3،3 شاقىرىم قۇبىر اۋىستىرىلادى. ايتا كەتۋ كەرەك، مەردىگەرلەر جۇمىستى قارجىلاندىرۋ باستالماي جاتىپ ىسكە كىرىسىپ كەتتى.
– ءقازىردىڭ وزىندە ستانسيانىڭ بارلىق 6 قازاندىعىندا جوندەۋ جۇمىستارى جۇرگىزىلۋدە. باس مەردىگەر رەتىندە «پەرسپەكتيۆنىە تەحنولوگيي – قازاقستان» كومپانياسى. قازىرگى ۋاقىتتا 128 ادام جۇمىلدىرىلعان، – دەدى «ريددەر جەو» اق باس ديرەكتورى يگور ميحايلەنكو.
ايتپاقشى، 5 جىل بۇرىن وسىندا جۇمىس ىستەگەن جانە نىساندى ىشىنەن بىلەتىن جەو-نىڭ جاڭا باسشىسىنىڭ ايتۋىنشا، بۇرىنعى يەلەرىنىڭ نەمقۇرايلىعىنان جىلۋ ورتالىعىن قايتا قۇرۋعا تۋرا كەلەتىنىن جەتكىزدى.
– جىلۋ ەلەكتر ورتالىعىنىڭ مەنشىك نىسانىنا كەلەتىن بولساق، ونىڭ مەملەكەتتىك باقىلاۋعا ءوتۋىن قامتاماسىز ەتۋ جۇمىستارىن جۇرگىزىپ جاتىرمىز. وكىنىشكە وراي، بۇل نىساندى ءوز ميللياردتارىنا جوندەيتىن ينۆەستور كەلەدى دەگەن ءۇمىت جوق. ونداي مەسەناتتار تابىلمايدى. سوندىقتان ءبىز جۇمىس ىستەيمىز. بۇل جەو بولىمشەسى «وسكەمەن جىلۋ جەلىلەرى» اق قۇرامىندا بولادى، كەلىسىم-شارت جاسالدى. قۇقىقتىق ماسەلەلەر شەشىلۋدە، – دەپ قورىتىندىلادى دانيال احمەتوۆ.
