قازاقستاندىقتار ٶزدەرٸ ونى بايقاماسا دا ينتەرنەتتەگٸ الاياقتىقپەن جيٸ ۇشتاسىپ جاتادى. عالامتورداعى ارام پيعىلدىلاردى قالاي انىقتاۋعا بولادى? ولاردىڭ قۇرىعىنا ٸلٸنبەۋ ٷشٸن نە ٸستەۋ قاجەت? وسى سۇراقتارعا «وتباسى بانك» اق اقپاراتتىق قاۋٸپسٸزدٸك دەپارتامەنتٸنٸڭ ماماندارى ٶز جاۋاپتارىن بەردٸ.
بٷگٸندە الاياقتىقتىڭ تٷرلٸ تەسٸلدەرٸ بار. ولاردىڭ قاي-قايسىسى بولماسىن, اقشاڭىزدى قولدى ەتۋدٸ ماقسات كٶرەدٸ. قاراجاتىڭىزدى جوعالتىپ الماس ٷشٸن قاسكٶيلەردٸڭ ايلاسىن الدىن الا انىقتاپ الۋ كەرەك.
ەڭ كٶپ تارالعان الاياقتىق سحەمالارى
"قىزمەتكەرمٸن" دەپ قوڭىراۋ شالۋ
بۇل ەدٸس بىلاي جۇمىس ٸستەيدٸ: الاياقتار ٶزدەرٸن بانك نەمەسە قۇقىق قورعاۋ ورگاندارىنىڭ قىزمەتكەرٸ رەتٸندە تانىستىرىپ, كارتاڭىزدان تٶلەم جاسالعانىن حابارلايدى. ٸزٸنشە اقشاڭىزدى سٸز رۇقسات ەتپەگەن, بٶتەن تٶلەمدەردەن قورعاۋ ٷشٸن قاراجاتتى باسقا شوتقا اۋدارۋدى نەمەسە تٶلەم كارتاڭىزدىڭ دەرەكتەرٸن ايتۋدى ۇسىنادى.
كەڭەس: قارجىلىق شوتتارىڭىزدىڭ رەكۆيزيتتەرٸن ەشقاشان ٷشٸنشٸ تاراپقا ايتپاڭىز. ەسٸڭٸزدە بولسىن, بانك قىزمەتكەرلەرٸ مەن قۇقىق قورعاۋ ورگاندارىنىڭ ماماندارى جەكە اقپاراتتارىڭىزدى تەلەفون ارقىلى ەشقاشان سۇرامايدى.
ۇتىس جٶنٸندەگٸ حابارلامالار
ەلەۋەتتٸ جەبٸرلەنۋشٸگە اۆتوكٶلٸك, اقشا, سمارتفون سيياقتى باعالى زات ۇتقانى تۋرالى ەلەكتروندى حات جولدانادى. بٸراق جٷلدەنٸ الۋ ٷشٸن الاياقتار ٶز قۇربانىنان بەلگٸلٸ بٸر رەكۆيزيتتەرگە اقشا اۋدارۋدى سۇرايدى.
كەڭەس: ەشقاشان بەيتانىس ادامداردىڭ ەلەكتروندى شوتتارىنا, ەلەكتروندى ەميياندارىنا اقشا اۋدارماڭىز. جٷلدەنٸ ۇتىس ويىنىنا قاتىسپاي ۇتىپ الۋ مٷمكٸن ەمەس, سونى ەسكەرٸڭٸز.
الدىن الا تٶلەم ارقىلى ونلاين ساۋدا
سٸز ينتەرنەت-دٷكەننەن ٶتە تيٸمدٸ باعامەن ۇيالى تەلەفون, نوۋتبۋك نەمەسە كامەرا تاۋىپ الدىڭىز. دەگەنمەن تاۋاردى ساتىپ الۋ ٷشٸن دٷكەن الدىن الا تٶلەم سۇراپ تۇر.
كەڭەس: ەشقاشان تەكسەرٸلمەگەن ينتەرنەت-دٷكەندەردٸڭ ەلەكتروندى ەمييانى مەن ۇيالى تەلەفون شوتتارىنا اقشا اۋدارماڭىز.
سٸلتەمەسٸ بار حابارلامالار
WhatsApp-قا, Telegram-عا نەمەسە ەلەكتروندىق پوشتاڭىزعا مۋزىكا, سۋرەت نەمەسە باعدارلامانى جٷكتەپ الۋ ٷشٸن بەلگٸسٸز دەرەككٶزدەن سٸلتەمەسٸ بار حابارلاما كەلەدٸ.
كەڭەس: حابارلامادا بەرٸلگەن سٸلتەمەنٸ ەشقاشان باسپاڭىز. ونى باسۋ ارقىلى قۇرىلعىڭىزعا ۆيرۋس جۇقتىرىپ الاسىز نەمەسە اقىلى قىزمەتتەرگە اۆتوماتتى تٷردە جازىلاسىز.
الاياقتاردىڭ قۇربانى بولماۋ ٷشٸن تاعى نە بٸلۋ كەرەك?
الاياقتار تٷپنۇسقاسىنان اجىراتۋ ٶتە قيىن,بانكتەردٸڭ جالعان ۆەب-سايتتارىن جيٸ جاسايدى. سالدارىنان كليەنت بانك قىزمەتٸن تۇتىنۋدى كٶزدەپ, جەكە دەرەگٸن ٶزٸ بايقاماي جالعان ۆەب-سايتقا جازىپ قويۋى مٷمكٸن.
براۋزەردٸڭ مەكەنجاي جولاعىنداعى سايت دومەنٸن تەكسەرٸڭٸز. ونىڭ "https://" دەپ باستالاتىنىنا جەنە بانك دومەنٸنە ساي كەلەتٸنٸنە كٶز جەتكٸزٸڭٸز. مىسالى, وتباسى بانك سايتتارىنىڭ ەرٸپتەرٸمىناداي: https://www.hcsbk.kz جەنە https://otbasybank.kz
كٷدٸكتٸ كٶزدەردەن الىنعان سٸلتەمەنٸ باسپاڭىز, ەسٸرەسە ولار موبيلدٸ قوسىمشالاردى جٷكتەپ الۋدى نەمەسە جەكە اقپاراتتى ەنگٸزۋدٸ ۇسىنسا.
سايتقا قۇپييا دەرەكتەردٸ ەنگٸزبەس بۇرىن, بەتتٸڭ URL مەكەنجايىن مۇقييات تەكسەرٸڭٸز. بۇل ناعىز ۆەب-سايت پا? ونىڭ مەكەنجايىندا قوسىمشا ەرٸپتەر بار ما? ەرٸپتەر ساندارمەن اۋىستىرىلماعان با? (مىسالى, نٶل (0) مەن و ەرپٸ).
دوستارىڭىزدىڭ اتىنان جارييالانعان سٸلتەمەلەردٸ اشپاس بۇرىن بٸرنەشە رەت ويلانۋ كەرەك. تىم تارتىمدى ۇسىنىس جيٸ الاياقتىق بولىپ شىعادى.
ەگەر "وتباسى بانك" سايتىندا فيشينگتٸك شابۋىل انىقتالسا نەمەسە ونىڭ ٸسكە اسقانى جٶنٸندە كٷدٸك تۋىنداسا, دەرەۋ اقپاراتتىق قاۋٸپسٸزدٸك قىزمەتٸنە حابارلاسۋىڭىز كەرەك: antifraud@otbasybank.kz. الاياقتىققا قارسى سەنٸم تەلەفونى - +7 (727) 330-94-82.
