سۇلۋ سٶزدٸ تەرٸپ, ەڭگٸمەنٸ قويىرتپاقتاتپاي, بٸردەن كەيٸپكەر تۋرالى ايتايىق. ونىڭ اتى – سانجار, سويى – تايجان. جاسى 21-دە. بۇل بالا تۋرالى ەۋەلٸ «فوربس قازاقستاننىڭ» باس رەداكتورى اسقار اۋكەنوۆ ٶزٸنٸڭ «فەيسبۋكتەگٸ» جەكە پاراقشاسىندا جازدى.
«Spaceح», «Hyperloop» دەگەن مەگا جوبالاردى ەستٸگەن بولارسىز. بۇلار امەريكالىق كەسٸپكەر, قالتاسىنداعى قارجىسى ميللياردپەن ەسەپتەلەتٸن (Forbes تٸزٸمٸندەگٸ 54-ورىندا تۇرعان) يلون ماسكقا تيەسٸلٸ.
ال بٸزدٸڭ سانجاردىڭ ٷلگٸ تۇتار تۇلعاسى باسقا-باسقا ەمەس, تاپ وسى يلوننىڭ ٶزٸ ەكەن.
سانجار بىلدىرلاعان بالا كٷنٸنەن ساندارعا ەۋەس, ەسەپكە ەپتٸ بولىپ ٶسكەن ەكەن. تٸپتٸ سول كەزدٸڭ ٶزٸندە-اق, كٶشەدەگٸ كٶلٸكتەردٸڭ نٶمٸرلەرٸن جاتتاپ الاتىن كٶرٸنەدٸ.
ال مەكتەپ تابالدىرىعىن اتتاعان سوڭ ماتەماتيكا مەن فيزيكاعا ىڭعايلانادى. تٸپتٸ 9-سىنىپتا رەسپۋبليكالىق فيزيكا-ماتەماتيكا مەكتەبٸنە وقۋعا تٷسەدٸ.
«2013 جىلى ەشلي ۆەنستىڭ «يلون ماسك: Tesla, SpaceX جەنە تاڭعاجايىپ بولاشاق» اتتى كٸتابىن وقىدىم. وسىدان كەيٸن-اق, ينجەنەريياعا ىقىلاسىم وياندى. يلون ماسكتىڭ: «ەرقايسىمىز ٶز سالامىز بويىنشا مىنا ەلەمگە ەشكٸم ويلاپ تاپپاعان جاڭا دٷنيەلەردٸ بەرۋٸمٸز كەرەك» دەگەن سٶزٸ قاتتى ەسەر ەتتٸ»
– دەپ ەسكە الادى دانىشپان بالا.
رەسپۋبليكالىق فيزيكا-ماتەماتيكا مەكتەبٸن «مەكتەپ ماقتانىشى» دەگەن اتپەن تامامداعان سوڭ, كەمبريدجدەگٸ «Bellerbys» كوللەدجٸنٸڭ «A-level» بٶلٸمٸنە وقۋعا تٷسەدٸ. 2016-2017 جىلدىڭ «ٷزدٸك ستۋدەنتٸ» اتانادى.
سٶيتٸپ, 2017 جىلى ۇلىبريتانييانىڭ ەڭ ٷزدٸڭ 10 بٸلٸم ورداسىنىڭ قاتارىنا كٸرەتٸن «Warwick» ۋنيۆەرسيتەتٸنٸڭ ستۋدەنتٸ اتانادى.
بۇل بٸلٸم ورداسى «QS» رەيتينگٸ بويىنشا ەلەمنٸڭ الدىڭعى قاتارلى 60 ۋنيۆەرسيتەتٸنٸڭ ساپىنا ەنەدٸ.
«بۇل وقۋ ورنى دەل وسى ماشينا قۇراستىرۋ سالاسى بويىنشا ەلەمنٸڭ ەڭ ٷزدٸك ۋنيۆەرسيتەتٸ بولىپ ەسەپتەلەدٸ», – دەيدٸ سانجار.
يلون ماسكتىڭ «Hyperloop» جوباسىنا ارنالعان ترانسپورتتىق كاپسۋلا ەزٸرلەۋ جارىسىنا قاتىسۋ سانجاردىڭ ارمانى بولعان ەكەن.
بۇل ترانسپورتتىق كاپسۋلا – قۇبىرلىق جەلٸ جوعارى جىلدامدىقپەن قوزعالۋعا مٷمكٸندٸك بەرەدٸ ەكەن.
(بۇل ٷشٸن «SpaceX» 2015 جىلى كاليفورنييادا ارنايى پوليگون سالىپ, «Hyperloop Pod Competition» جوباسىنا ستۋدەنتتٸك كوماندا جيناۋ ٷشٸن تۋرنير جارييالاعان ەدٸ.)
سٶيتٸپ, بٸزدٸڭ سانجار ٶزٸ وقيتىن «Warwick» ۋنيۆەرسيتەتٸنەن كوماندا جاساقتاي باستايدى.
ەۋەلگٸ كەلٸپ تٷسكەن 200 ٶتٸنٸشتٸڭ ٸشٸنەن 60 ادامدى ٸرٸكتەپ الىپ, «Warwick Hyperloop Team» دەگەن كوماندا قۇرادى. سوسىن 2018 جىلدىڭ اقپان ايىنان باستاپ, كاپسۋلا قۇراستىرۋ ٸسٸنە بەل شەشە كٸرٸسٸپ كەتەدٸ.
جوسپار بويىنشا كٷزگە قاراي كاپسۋلا ەزٸر بولۋى كەرەك.
«بۇل جوبا ٷشٸن ماعان كٶپ دٷنيەدەن باس تارتۋعا, تٸپتٸ دوستارىممەن ارالاسۋدان دا باس تارتۋعا تۋرا كەلدٸ», دەپ ەسكە الادى قازٸر سانجار.
اقىرىندا تٶككەن تەر, ەتكەن ەڭبەكتٸڭ نەتيجەسٸندە ٶزٸ ماقسات تۇتقان كاپسۋلانى قۇراستىرىپ شىعادى. 3D-نۇسقاسىن (مودەلٸن) دايىنداپ بٸتكەن سوڭ, ونى سىناقتان ٶتكٸزۋ كەرەك بولادى.
ول ٷشٸن سيممۋلياتور باعدارلاماسىندا تەستٸلٸك سىناق جاسايدى. بۇدان بٶلەك, جٸگٸتتەردٸڭ قولىندا بٸر جارىم مەترلٸك پروتوتيپ تە بولعان. ونى ۋنيۆەرسيتەتتەگٸ اەروديناميكالىق قۇبىردا سىناقتان ٶتكٸزەدٸ.
«بٸزدٸڭ كاپسۋلامىز 11-12 سەكۋندتا 500 كم/ساعات. جىلدامدىق الدى. بٸزدٸڭ بۇل كاپسۋلامىز «Bugatti», «Tesl»a تٸپتٸ, «Boeing» ۇشاعىنان دا جىلدام ەكەنٸن كٶرسەتەدٸ»,
دەيدٸ سانجار تايجان.
وسىدان كەيٸن سانجار مەن ونىڭ كومانداسى ٶز كاپسۋلالارىنىڭ ۆيرتۋالدى نۇسقاسىن «Hyperloop Pod Competition» جوباسىنا جٸبەرەدٸ. ال قاراشا ايىندا ولارعا رەسمي جاۋاپ حات كەلەدٸ.
ٷشبۋ حاتتا سانجار مەن ونىڭ كومانداسى ٷزدٸكتەر قاتارىنا ەنگەنٸن, ولاردىڭ جوباسى 52-ورىندا تۇرعانى جازىلعان ەكەن. ال بۇل جوباعا ەلەمنٸڭ تٷكپٸر-تٷكپٸرٸنەن 600-دەن استام ٶتٸنٸش كەلٸپ تٷسكەن ەكەن.
«Hyperloop Pod Competition» جوباسىنىڭ ەندٸگٸ ارالىق قورىتىندىسى بيىل جارييالانادى. بۇل كەزەڭدە ەڭ ٷزدٸك دەپ تانىلعان 20 جوبا ٸرٸكتەلەدٸ.
دەمەك, بۇل 20 جوبانىڭ اۆتورلارى يلون ماسكپەن جەكە كەزدەسۋٸ مٷمكٸن.
ال ەندٸ «Warwick Hyperloop Team» دەپ اتالاتىن سانجاردىڭ كومانداسى بۇل جيىرمالىققا ەنبەي قالعان جاعدايدا نە بولماق دەگەن سۇراققا:
«بٸزدٸڭ كوماندامىز تارقامايتىنى سٶزسٸز. بٸز انگلييادا العاش بولىپ «Hyperloop» قۇراستىرماقپىز», دەيدٸ.
سانجاردىڭ ايتۋىنشا, ماسكتىڭ جارىسىنا قولداۋ كٶرسەتكەن «Warwick Manufacturing Group» پەن «Advanced Propulsion Centre» اراسىندا تەستٸلٸك ترەك قۇرىلىسىن باستاۋ جٶنٸندەگٸ كەلٸسٸم بار.
بۇدان بٶلەك, سانجار مەن ونىڭ كومانداسىنىڭ جوباسى ۇلىبريتانييانىڭ ٷكٸمەتتٸك قۇرىلىمىنىڭ دا قىزىعۋشىلىعىن تۋدىرعان.
تٸپتٸ كوماندانى كومپانييا رەتٸندە تٸركەپ, ٷكٸمەتتٸك گرانتتارعا قاتىسۋ تۋرالى ۇسىنىس ايتىلعان ەكەن.
مٸنە, بۇل قازاقستاندىق بالانىڭ, قازاق بالاسىنىڭ ەلەمدٸك دەڭگەيدەگٸ جوباسى قازٸر تٶرتكٷل دٷنيەنٸڭ نازارىندا دەسەك ارتىق ايتپاعان بولار ەك. ۇلىقتالسا, وسىنداي ۇلدار ۇلىقتالۋى كەرەك-اق...
نۇرتۋعان شىعان
