Yandex Qazaqstan العاش رەت ياندەكستىڭ وندىرىستىك باعىتى سانالاتىن «فابريكا» تاۋارلارىن ۇسىنا باستادى. بۇل جوبا كومپانيانىڭ جەكە ساۋدا ماركالارىن ازىرلەۋمەن، شىعارۋمەن جانە تانىستىرۋمەن اينالىسادى. وعان ەلەكترونيكا مەن تۇرمىستىق تەحنيكادان باستاپ بالالار ويىنشىقتارىنا دەيىنگى تاۋارلار كىرەدى. تاۋارلاردى ياندەكس Go سۋپەراپپىنداعى دۇكەننەن الۋعا بولادى. ونى الماتىلىقتار العاشقى بولىپ باعالاي الادى، دەپ حابارلايدى Dalanews.kz.
ياندەكس فابريكا دۇكەنىندە التى برەندتىڭ ونىمدەرى ۇسىنىلعان. بۇل – Tuvio تۇرمىستىق تەحنيكاسى، بالالارعا ارنالعان Junion تاۋارلارى، Commo اكسەسسۋارلارى جانە ەلەكترونيكاسى، Nocord ەلەكتر قۇرالدارى، ۇيگە ارنالعان Pragma تاۋارلارى، راديومەن باسقارىلاتىن Cubits ويىنشىقتارى. اسسورتيمەنتكە تەلەديدارلار، قۇلاققاپتار، بالالار ويىن جيىنتىقتارى، شەگە بۇراعىشتار جانە باسقا دا كوپتەگەن تاۋار كىرەدى.
ونىمدەردى تەحنولوگتەر، ينجەنەرلەر، ديزاينەرلەر جانە كونسترۋكتورلار قاتىسادى: ولار يدەيا مەن ديزايننان باستاپ تاۋاردى تەستىلەۋ، قاپتاۋ جانە ساپانى باقىلاۋعا دەيىنگى بارلىق كەزەڭ ءۇشىن جاۋاپ بەرەدى. فابريكانىڭ ماقساتى – ەڭ قاجەتتى ساناتتارداعى ساپالى، پايدالى جانە قولجەتىمدى زاتتار ۇسىنۋ.
ياندەكس Go قولدانباسىنىڭ «دۇكەندەر» بولىمىندە 200-دەن استام سەرىكتەستىڭ تاعامدارعا، دارى-دارمەكتەرگە، ءۇي تاۋارلارىنا، گۇلدەرگە جانە تاعى باسقا كوپتەگەن زاتتارىنا تاپسىرىس بەرۋگە بولادى. قازىرگى تاڭدا «دۇكەندەر» قازاقستاننىڭ 17 قالاسىندا قولجەتىمدى، ال ورتاشا جەتكىزۋ ۋاقىتى 38 مينۋتتى قۇرايدى.
