«قازاقستان تەمٸر جولى» ۇلتتىق كومپانيياسىنىڭ باسقارما تٶراعاسى تالعات الدىبەرگەنوۆ وتباسى مٷشەلەرٸنٸڭ تەمٸرجول جەنە لوگيستيكا سالاسىنداعى بيزنەسٸنە قاتىستى سۇراققا جاۋاپ بەرٸپ, مٷددەلەر قاقتىعىسى جوق ەكەنٸن مەلٸمدەدٸ, دەپ حابارلايدى dalanews.kz.
ٷكٸمەتتەگٸ بريفينگ بارىسىندا جۋرناليستەر قتج باسشىسىنىڭ جۇبايىنا تيەسٸلٸ بٸرقاتار تابىستى كومپانييالار, سونداي-اق ونىڭ تۋىستارىنىڭ تەمٸرجول جەنە لوگيستيكا سالاسىنداعى قىزمەتٸ تۋرالى سۇراق كٶتەردٸ. سونىمەن قاتار دەكلاراتسييالاردا كٶرسەتٸلگەن كٸرٸستەر مەن ىقتيمال مٷددەلەر قاقتىعىسى مەسەلەسٸ دە سٶز بولدى.
"ادال ادام" تٸلشٸسٸنٸڭ ايتۋىنشا, اشىق دەرەككٶزدەردە الدىبەرگەنوۆتٸڭ جۇبايى ەلميرا قولعاناتوۆا بٸرنەشە لوگيستيكالىق كومپانيياعا يەلٸك ەتەتٸنٸ, ال ۇلى مەن باسقا دا تۋىستارىنىڭ تەمٸرجول سالاسىمەن بايلانىستى بولعانى كٶرسەتٸلگەن.
بۇعان جاۋاپ بەرگەن قتج باسشىسى جۇبايىنا قاتىستى كومپانييالاردىڭ ۇلتتىق كومپانييامەن نەمەسە مەملەكەتتٸك ورگاندارمەن جۇمىس ٸستەمەيتٸنٸن ايتتى.
«بٸرٸنشٸدەن, جۇبايىم قاتىسى بار كومپانييالار قتج-مەن دە, مەملەكەتتٸك ورگاندارمەن دە جۇمىس ٸستەمەيدٸ. ەكٸنشٸدەن, نەگٸزگٸ قىزمەتٸم بويىنشا ەشقانداي مٷددەلەر قاقتىعىسى جوق. بارلىعى زاڭ تالاپتارىنا سەيكەس دەكلاراتسييالانعان», – دەدٸ الدىبەرگەنوۆ.
جۋرناليست ونىڭ وتباسى مٷشەلەرٸنٸڭ تابىسى مەن اكتيۆتەرٸ تولىق كٶلەمدە دەكلاراتسييادا كٶرسەتٸلگەن-كٶرسەتٸلمەگەنٸن ناقتىلاعان كەزدە قتج باسشىسى بارلىق مەلٸمەت زاڭ اياسىندا جارييالانعانىن ايتتى.
«دەكلاراتسييا زاڭعا سەيكەس جارييالانادى. قاراپ شىعۋعا بولادى», – دەدٸ ول.
سونىمەن قاتار جۋرناليست تۋىستارىنىڭ تەمٸرجول لوگيستيكاسى سالاسىنداعى قىزمەتٸ مەن قتج باسشىلىعى اراسىندا مٷددەلەر قاقتىعىسى بولۋى مٷمكٸن ەكەنٸن العا تارتتى. الايدا الدىبەرگەنوۆ بۇل پٸكٸرمەن كەلٸسپەيتٸنٸن جەتكٸزدٸ.
«مەنٸڭ تۋىستارىم قتج-دا جۇمىس ٸستەمەيدٸ. بالالارىم دا, جۇبايىم دا ۇلتتىق كومپانييادا قىزمەت اتقارمايدى. سوندىقتان مۇندا ەشقانداي مٷددەلەر قاقتىعىسىن كٶرٸپ تۇرعان جوقپىن», – دەدٸ قتج تٶراعاسى.
