حاسان قاسىمبايەۆ سوت زالىندا ايىپتالۋشىلار ورنىنداعى پلاستيك تەرەزەنى سىندىرعان بولاتىن. وسى ارەكەتى ءۇشىن وعان جاڭا ايىپ تاعىلۋى مۇمكىن، دەپ حابارلايدى Dalanews.kz.
ءمان-جايى
قاسىمبايەۆ پەن وزگە سوتتالۋشىلار زالدا جۋرناليستەردىڭ قاتىسۋىنا نارازىلىق بىلدىرگەن. وسىدان كەيىن سوت قىزمەتكەرلەرى تىلشىلەر مەن وپەراتورلاردى دەرەۋ سىرتقا شىعارعان بولاتىن.
پوليسيا پىكىرى
الماتى وبلىسى پوليسيا دەپارتامەنتى بۇل جاعداي اۋداندىق پوليسيا بولىمىندە تىركەلگەنىن مالىمدەدى.
"تەكسەرىس جۇرگىزىلىپ جاتىر. ولاردىڭ ناتيجەسى بويىنشا قولدانىستاعى زاڭناماعا سايكەس شەشىم قابىلدانادى"، - دەدى ءىىم وكىلدەرى.
دەسە دە پوليسيا تالعار اۋداندىق سوتى تاراپىنان بۇل وقيعاعا بايلانىستى ەشقانداي شاعىم تۇسپەگەنىن حابارلادى.
ەسكە سالايىق، 11 قاراشادا حاسان قاسىمبايەۆتىڭ ءوزى مەن سىبايلاستارى سوتتالدى. ول 12 جىلعا باس بوستاندىعىنان ايىرىلدى.
