الماتى وبلىسىنىڭ پوليسيا دەپارتامەنتى حاسان قاسىمبايەۆقا قاتىستى تەرگەۋ اياقتالىپ، ءىس سوتقا ءتۇستى دەگەن اقپاراتقا قاتىستى پىكىر ءبىلدىردى، دەپ حابارلايدى Dalanews.kz.
پوليسيا دەپارتامەنتىنىڭ مالىمەتىنشە، ءبىرقاتار بۇقارالىق اقپارات قۇرالدارىندا قاسىمبايەۆ حاسان جانە باسقا دا تۇلعالارعا قاتىستى قىلمىستىق ءىستىڭ سوتقا جولدانعانى تۋرالى شىندىققا سايكەس كەلمەيتىن اقپارات جاريالانعان.
"اتالعان قىلمىستىق ءىس بويىنشا تەرگەۋ اياقتالىپ، قازىرگى ۋاقىتتا ءىس ماتەريالدارى تاراپتارعا تانىسۋ ءۇشىن ۇسىنىلعان. تانىسۋ پروسەسى اياقتالعاننان كەيىن ءىس ايىپتالۋشىلاردى سوتقا بەرۋ ماسەلەسىن شەشۋ ءۇشىن پروكۋراتۋراعا جولداناتىن بولادى"، دەيدى پوليسيا دەپارتامەنتىنىڭ رەسمي وكىلدەرى.
2024 جىلعى 2 قاراشادا ۋاقىتشا ۇستاۋ يزولياتورىنا قامالعان بولاتىن. وعان دەنساۋلىققا قاساقانا اۋىر زيان كەلتىرۋ جانە ادام ۇرلاۋ بويىنشا كۇدىك تاعىلعان. بۇل قىلمىس 2021 جىلدىڭ ماۋسىم ايىندا بولعان. كەيىن وسى ءىس بويىنشا بەس ادام سوتتالىپ، جازالارىن وتەۋ ورىندارىنا جىبەرىلگەنى بەلگىلى بولدى.
كەيىن پوليسيا مالىمدەمە جاساپ، حاسان قاسىمبايەۆتىڭ ۇستالۋى - شەرزاتتىڭ ولىمىنە بايلانىستى ەمەس ەكەنىن حابارلادى.
پد مالىمەتىنشە، قاسىمبايەۆ 2 قاراشادا ۇستالىپ، ۋاقىتشا ۇستاۋ يزولياتورىنا قاماۋعا الىنعان. ول ازامات ارمان ءاليموۆتى ۇرلاپ، دەنساۋلىعىنا اۋىر زيان كەلتىردى دەگەن كۇدىككە ىلىنگەن.
وقيعا 2021 جىلدىڭ ماۋسىمىندا بولعان.
"قازىرگى ۋاقىتتا قىلمىستىڭ بارلىق ءمان-جايىن جان-جاقتى، تولىق جانە وبەكتيۆتى زەرتتەۋدى قامتاماسىز ەتۋ ءۇشىن تەرگەۋ ارەكەتتەرىنىڭ كەشەنى جۇرگىزىلىپ جاتىر. ءىس ماتەريالدارى بۇلتارتپاۋ شاراسىن سانكسيالاۋ ءۇشىن سوتقا جىبەرىلدى"، - دەدى بۇعان دەيىن الماتى وبلىستىق پد وكىلدەرى.
ەرمۇحامەت ەرتىسبايەۆ اعاسى اكىمدىكتە جۇمىس ىستەگەن اۋداندا حاسان قاسىمبايەۆتىڭ تابىسقا قالاي كەنەلگەنىن قۇقىق قورعاۋ ورگاندارى تەكسەرۋى كەرەك دەپ مالىمدەدى.
