Almaty oblysynyń politsiia departamenti Hasan Qasymbaevqa qatysty tergeý aiaqtalyp, is sotqa tústi degen aqparatqa qatysty pikir bildirdi, dep habarlaidy Dalanews.kz.
Politsiia departamentiniń málimetinshe, birqatar buqaralyq aqparat quraldarynda Qasymbaev Hasan jáne basqa da tulǵalarǵa qatysty qylmystyq istiń sotqa joldanǵany týraly shyndyqqa sáikes kelmeitin aqparat jariialanǵan.
"Atalǵan qylmystyq is boiynsha tergeý aiaqtalyp, qazirgi ýaqytta is materialdary taraptarǵa tanysý úshin usynylǵan. Tanysý protsesi aiaqtalǵannan keiin is aiyptalýshylardy sotqa berý máselesin sheshý úshin prokýratýraǵa joldanatyn bolady", deidi politsiia departamentiniń resmi ókilderi.
2024 jylǵy 2 qarashada ýaqytsha ustaý izoliatoryna qamalǵan bolatyn. Oǵan densaýlyqqa qasaqana aýyr ziian keltirý jáne adam urlaý boiynsha kúdik taǵylǵan. Bul qylmys 2021 jyldyń maýsym aiynda bolǵan. Keiin osy is boiynsha bes adam sottalyp, jazalaryn óteý oryndaryna jiberilgeni belgili boldy.
Keiin politsiia málimdeme jasap, Hasan Qasymbaevtyń ustalýy - Sherzattyń ólimine bailanysty emes ekenin habarlady.
PD málimetinshe, Qasymbaev 2 qarashada ustalyp, ýaqytsha ustaý izoliatoryna qamaýǵa alynǵan. Ol azamat Arman Alimovti urlap, densaýlyǵyna aýyr ziian keltirdi degen kúdikke ilingen.
Oqiǵa 2021 jyldyń maýsymynda bolǵan.
"Qazirgi ýaqytta qylmystyń barlyq mán-jaiyn jan-jaqty, tolyq jáne obektivti zertteýdi qamtamasyz etý úshin tergeý áreketteriniń kesheni júrgizilip jatyr. Is materialdary bultartpaý sharasyn sanktsiialaý úshin sotqa jiberildi", - dedi buǵan deiin Almaty oblystyq PD ókilderi.
Ermuhamet Ertisbaev aǵasy ákimdikte jumys istegen aýdanda Hasan Qasymbaevtyń tabysqa qalai kenelgenin quqyq qorǵaý organdary tekserýi kerek dep málimdedi.
