Xiaomi Inc كومپانياسى الماتىنىڭ ساتۋشىلارىنا، دالىرەك ايتساق، مەگاپوليستىڭ ءىرى بازارلارىنىڭ ءبىرىنىڭ ۇستىنەن شاعىم ءتۇسىردى. ايىپ قىتايلىق كومپانيانىڭ برەندىمەن بايلانىستى جالعان تاۋاردى ساتۋمەن بايلانىستى، دەپ حابارلايدى Dalanews.kz.
Xiaomi Inc كومپانياسىنىڭ وكىلىنىڭ مالىمدەمەسى نەگىزىندە الماتى قالاسىنىڭ ءىرى ساۋدا بازارلارىنىڭ بىرىندە ادىلەت ورگاندارى جوسپاردان تىس تەكسەرۋلەر جۇرگىزىپ، Xiaomi، Redmi جانە mi سياقتى تاۋار بەلگىلەرىن زاڭسىز پايدالانۋ فاكتىلەرىن انىقتادى.
ءىس-شارالاردىڭ قورىتىندىسى بويىنشا 700-دەن استام كونترافاكتىلىك ءونىم، ونىڭ ىشىندە جالپى سوماسى 5 ميلليون تەڭگەدەن اساتىن ۇيالى تەلەفوندار مەن ءموبيلدى اكسەسسۋارلار تاركىلەندى.
"قازىرگى ۋاقىتتا ق ر اقبتك-نىڭ 158-بابى بويىنشا كىنالى ادامدى اكىمشىلىك جاۋاپكەرشىلىككە تارتۋ بويىنشا ءىس جۇرگىزۋ شارالارى قابىلدانۋدا. ءىس ماتەريالدارى كىنالى ادامدى جاۋاپقا تارتۋ ءۇشىن سوتقا بەرىلەدى. ادىلەت ورگاندارى تۇتىنۋشىلاردىڭ قاۋىپسىزدىگى مەن قورعالۋىن قامتاماسىز ەتە وتىرىپ، كونترافاكتىلىك ءونىمدى وتكىزۋ جاعدايلارىن انىقتاۋ جانە جولىن كەسۋ جونىندەگى ءوز جۇمىسىن جالعاستىرادى"، دەلىنگەن ادىلەت مينيسترلىگىنىڭ حابارلاماسىندا.
