Xiaomi Inc kompaniiasy Almatynyń satýshylaryna, dálirek aitsaq, megapolistiń iri bazarlarynyń biriniń ústinen shaǵym túsirdi. Aiyp qytailyq kompaniianyń brendimen bailanysty jalǵan taýardy satýmen bailanysty, dep habarlaidy Dalanews.kz.
Xiaomi Inc kompaniiasynyń ókiliniń málimdemesi negizinde Almaty qalasynyń iri saýda bazarlarynyń birinde ádilet organdary jospardan tys tekserýler júrgizip, Xiaomi, Redmi jáne mi siiaqty taýar belgilerin zańsyz paidalaný faktilerin anyqtady.
Is-sharalardyń qorytyndysy boiynsha 700-den astam kontrafaktilik ónim, onyń ishinde jalpy somasy 5 million teńgeden asatyn uialy telefondar men mobildi aksessýarlar tárkilendi.
"Qazirgi ýaqytta QR ÁQBtK-niń 158-baby boiynsha kináli adamdy ákimshilik jaýapkershilikke tartý boiynsha is júrgizý sharalary qabyldanýda. Is materialdary kináli adamdy jaýapqa tartý úshin sotqa beriledi. Ádilet organdary tutynýshylardyń qaýipsizdigi men qorǵalýyn qamtamasyz ete otyryp, kontrafaktilik ónimdi ótkizý jaǵdailaryn anyqtaý jáne jolyn kesý jónindegi óz jumysyn jalǵastyrady", delingen Ádilet ministrliginiń habarlamasynda.
