12 جىلعا سوتتالعان حاسان قاسىمباەۆتىڭ ادۆوكاتتارى سوت ٷكٸمٸمەن كەلٸسپەي, اپەللياتسييالىق شاعىم بەرۋدٸ جوسپارلاپ وتىر, دەپ حابارلايدى Dalanews.kz.
الماتى وبلىسىنىڭ تالعار اۋداندىق سوتىندا باق «حۋتور» ۇقت جەتەكشٸسٸ دەپ اتايتىن حاسان قاسىمباەۆقا قاتىستى ٷكٸم شىعارىلدى.
سوت حاسان قاسىمباەۆتى ادام ۇرلاۋ, قاساقانا اۋىر دەنە جاراقاتىن سالۋ جەنە بوپسالاۋ باپتارى بويىنشا ايىپتى دەپ تانىدى. ايىپتاۋلاردىڭ جيىنتىعى بويىنشا قاسىمباەۆ 12 جىلعا بوستاندىعىنان ايىرىلدى. جازاسىن ورتاشا قاۋٸپسٸزدٸك مەكەمەسٸندە ٶتەيدٸ.
ٷكٸم جارييالانعاننان كەيٸن حاسان قاسىمباەۆتىڭ قورعاۋشىلارى ناريمان كەرۆەنوۆ پەن گٷلميرا باباجانوۆا سوت شەشٸمٸمەن كەلٸسپەيتٸندەرٸن ايتتى.
«بٸز ٷكٸمدٸ زاڭسىز دەپ سانايمىز جەنە اپەللياتسييالىق شاعىم بەرۋگە نيەتتٸمٸز. حاسان قاسىمباەۆ قىلمىس ورنىندا بولماعان, ونىڭ بۇل ٸسكە قاتىسى دەلەلدەنگەن جوق. بۇعان قوسا, ٸس ماتەريالدارىنان 18 پاراق جوعالعان. بۇل پروكۋراتۋرا مەن تەرگەۋ ورگاندارىنىڭ قاتىسۋىمەن بولعان, بٸراق سۋديا بۇعان كٶز جۇما قاراپ وتىر», – دەدٸ ادۆوكات كەرۆەنوۆ.
ولاردىڭ پٸكٸرٸنشە, سوت پروكۋرورعا جەنە ٸس ماتەريالدارىن قاراعان تەرگەۋ ورگاندارىنا قىلمىستىق-پروتسەسسۋالدىق كودەكس تالاپتارىن بۇزعانى ٷشٸن جەكە قاۋلى شىعارۋ تيٸس ەدٸ.
ايتا كەتەرلٸگٸ, ايىپتالۋشىلاردىڭ تۋىستارى سوت زالىن تەز بوساتىپ شىقتى. جۋرناليستەر ولاردان پٸكٸر الۋعا ٷلگەرمەدٸ.
