الماتى وبلىستىق پوليتسييا دەپارتامەنتٸ حاسان قاسىمباەۆقا قاتىستى قىلمىستىق ٸستٸڭ سوتقا دەيٸنگٸ تەرگەۋٸن اياقتادى, دەپ حابارلايدى Dalanews.kz Kazinform اگەنتتٸگٸنە سٸلتەمە جاساپ.
پروكۋراتۋرانىڭ دەرەگٸنشە, وبلىستىق پوليتسييا دەپارتامەنتٸنٸڭ تەرگەۋ باسقارماسى حاسان قاسىمباەۆ پەن باسقا تۇلعالارعا قاتىستى ٸستٸ تەرگەپ, 2025 جىلدىڭ 21 شٸلدەسٸندە ايىپتاۋ اكتٸسٸمەن بٸرگە وبلىستىق پروكۋراتۋراعا تاپسىرعان. ال 29 شٸلدەدە ايىپتاۋ اكتٸسٸ بەكٸتٸلٸپ, ٸس مەنٸ بويىنشا قاراۋ ٷشٸن تالعار اۋداندىق سوتىنا جٸبەرٸلگەن.
پوليتسييا دەپارتامەنتٸنٸڭ اقپاراتىنا سەيكەس, حاسان قاسىمباەۆقا قاتىستى ادام ۇرلاۋ, قاساقانا اۋىر دەنە جاراقاتىن سالۋ جەنە بوپسالاۋ باپتارى بويىنشا تەرگەۋ جٷرگٸزٸلگەن.
ەسكە سالايىق, 2024 جىلعى 2 قاراشادا قاسىمباەۆ 2021 جىلدىڭ ماۋسىمىندا جاسالعان قاساقانا اۋىر دەنە جاراقاتىن كەلتٸرۋ جەنە ادام ۇرلاۋ كٷدٸگٸمەن ۇستالدى. كەيٸن وعان بوپسالاۋ ايىبى دا تاعىلدى.
حاسان قاسىمباەۆتىڭ ەسٸمٸ جۇرتشىلىققا 16 جاستاعى شەرزات بولاتتىڭ تالعارداعى ٶلٸمٸنەن كەيٸن كەڭٸنەن تانىلدى. ەلەۋمەتتٸك جەلٸ قولدانۋشىلارى ونى "حۋتورسكيە" دەگەن اتاۋمەن بەلگٸلٸ قىلمىستىق توپپەن بايلانىستىرىپ جازعان.
الايدا ٸشكٸ ٸستەر مينيسترلٸگٸ مۇنداي ۇيىمداسقان قىلمىستىق توپتىڭ تٸركەلمەگەنٸن, سونداي-اق حاسان قاسىمباەۆتىڭ شەرزات بولاتتىڭ ٶلٸمٸنە قاتىسى جوق ەكەنٸن مەلٸمدەگەن.
2024 جىلعى 4 قازانعا قاراعان تٷنٸ تالعار قالاسىنداعى دٷكەندەردٸڭ بٸرٸنٸڭ جانىندا جاستار اراسىندا قاقتىعىس بولىپ, سالدارىنان 16 جاستاعى شەرزات بولات پىشاق جاراقاتىنان قازا تاپتى. تاعى ەكٸ جاسٶسپٸرٸم اۋىر جاراقات العان ەدٸ.
بۇل ٸس بويىنشا سوت ٷكٸمٸ 2025 جىلعى 5 ماۋسىمدا شىعارىلدى.
