شالكٶدە جايلاۋىندا رايىمبەك اۋدانىنىڭ 90 جىلدىق مەرەيتويىنا ارنالعان «حانتەڭٸرٸ قازىناسى» حالىقارالىق ەتنوفەستيۆالٸ باستالدى. مەرەيتوي اياسىندا 150-گە جۋىق اقشاڭقان كيٸز ٷي تٸگٸلٸپ, تٷرلٸ تاقىرىپتار بويىنشا كٶرمەلەر ۇيىمداستىرىلدى. وندا وتاندىق جەنە حالىقارالىق قولٶنەرشٸلەر مەن ەتنوديزاينەرلەردٸڭ, قىلقالام شەبەرلەرٸنٸڭ ٷزدٸك تۋىندىلارى, ۇلتتىق تاعامدار مەن اۋىل شارۋاشىلىعى ٶنٸمدەرٸ حالىق نازارىنا ۇسىنىلدى. ۇلتتىق سپورت تٷرلەرٸنەن سايىستار ٶتٸپ, كٸل مىقتىلار ٶزارا سىنعا تٷسۋدە. مەدەني-كٶپشٸلٸك ٸس-شاراعا قىتاي, تٷركييا, رەسەي, ەزٸربايجان, قىرعىزستان, تەجٸكستان, بەلارۋس, ارمەنييا, ٶزبەكستان, گرۋزييا ەلدەرٸنەن, قازاقستاننىڭ تٷكپٸن-تٷكپٸرٸنەن قوناقتار اعىلىپ كەلٸپ, ۇلان-اسىر تويدىڭ كۋەسٸ بولۋدا, دەپ حابارلايدى dalanews.kz.
حالىقارالىق فەستيۆالدە رايىمبەك اۋدانىنىڭ تاريحي دامۋ جولى مەن ەلەۋمەتتٸك-ەكونوميكالىق جەتٸستٸكتەرٸ تانىستىرىلدى. اۋمالى-تٶكپەلٸ زاماندا ەلدٸڭ قاۋٸپسٸزدٸگٸن كٷزەتكەن رايىمبەك باتىردىڭ ەرلٸك ٸستەرٸ دەرٸپتەلدٸ. اسقار شىڭدى حانتەڭٸرٸ باۋرايىنان تٷلەپ ۇشقان بەردٸبەك سوقپاقباەۆ, مۇقاعالي ماقاتاەۆ, ەركٸن ٸبٸتانوۆ, ساعات ەشٸمباەۆ, التىنبەك سەرسەنباەۆ جەنە ورازالى دوسبوسىنوۆ سىندى بٸرتۋار تۇلعالاردىڭ ٶنەگەلٸ ٶمٸر جولى ناسيحاتتالدى. دالا مەدەنيەتٸن ايشىقتايتىن, قازاق حالقىنىڭ قاسيەتتٸ «قارقارالى» جايلاۋ كٶشٸ كٶرەرمەندٸ تاريحتىڭ تەرەڭ قويناۋىنا ساپار شەكتٸردٸ. مەنٸ مەن سەنٸ كەلٸسكەن سالتاناتتى كٶش كٶشپەلٸ ەلدٸڭ سالت-دەستٷرٸ مەن مەدەنيەتٸنەن سىر شەرتٸپ, بەرەكە مەن بٸرلٸكتٸڭ جارشىسىنا اينالدى. شەتەلدەن كەلگەن شەبەرلەردٸڭ شەرۋٸ دە حالىقتىڭ ەرەكشە نازارىنا ٸلٸكتٸ.
شاراعا قر پرەزيدەنتٸنٸڭ كەڭەسشٸسٸ مەلٸك وتارباەۆ تا قاتىسىپ, مەملەكەت باسشىسى قاسىم-جومارت توقاەۆتىڭ قۇتتىقتاۋىن جەتكٸزدٸ.
«رايىمبەك – تاريحى تەرەڭ, ىنتىماعى جاراسقان بەرەكەلٸ ٶڭٸر. وسى ٶنەگەلٸ ٶلكەدەن كٶپتەگەن تۇعىرلى تۇلعالار شىعىپ, ۇلت مٷددەسٸ ٷشٸن قالتقىسىز قىزمەت ەتتٸ. قازٸر اۋدان حالقى اۋىل شارۋاشىلىعى, تۋريزم جەنە باسقا دا سالالاردا قاجىرلى ەڭبەك ەتٸپ, تۋعان جەرٸن كٶركەيتۋگە اتسالىسىپ كەلەدٸ. سونداي-اق ولار ەل تاعدىرىنا ەسەر ەتەتٸن باستامالاردى ٷنەمٸ قولداپ, ۇيىمشىلدىقتىڭ وزىق ٷلگٸسٸن تانىتىپ جٷر. اۋدان تۇرعىندارىنىڭ جالپىحالىقتىق رەفەرەندۋمعا بەلسەنە قاتىسىپ, جاڭا كونستيتۋتسييانى قولداۋى – سونىڭ ايقىن دەلەلٸ. وسى ورايدا, ايماقتى دامىتۋعا زور ٷلەس قوسقان ازاماتتاردىڭ بەرٸنە شىنايى ريزاشىلىعىمدى بٸلدٸرەمٸن. سٸزدەر الداعى ۋاقىتتا دا ەل يگٸلٸگٸ ٷشٸن ەڭبەك ەتە بەرەسٸزدەر دەپ سەنەمٸن», – دەلٸنگەن قۇتتىقتاۋ حاتتا.
وبلىس ەكٸمٸ مارات سۇلتانعازيەۆ ٶز سٶزٸندە قۇت قونعان, ىرىس ۇيالاعان نارىنقول ٶڭٸرٸ حالقىمىزدىڭ رۋحاني مۇراسى مەن تاريحي جادىنىڭ اجىراماس بٶلٸگٸ ەكەنٸن ايتتى.
«بۇل – ەلٸ ٷشٸن تۋعان رايىمبەك باتىردىڭ, ۇزاق پەن جەمەڭكەنٸڭ ەرلٸگٸ ٶرٸلگەن كيەلٸ مەكەن. ۇلتتىق رۋحتىڭ بەسٸگٸنە اينالعان وسى توپىراقتان قازاق مەدەنيەتٸ مەن ەدەبيەتٸنٸڭ تالاي بٸرەگەي تۇلعالارى تٷلەپ ۇشتى. بالالار ەدەبيەتٸنٸڭ كلاسسيگٸ بەردٸبەك سوقپاقباەۆتىڭ 100 جىلدىق مەرەيتويىنىڭ يۋنەسكو دەڭگەيٸندە اتالىپ ٶتۋٸ – وسى ٶڭٸردەن شىققان ۇلى تۇلعالاردىڭ مۇراسى حالىقارالىق دەڭگەيدە مويىندالعانىنىڭ ايعاعى. قازاق پوەزيياسىنىڭ حانتەڭٸرٸ مۇقاعالي ماقاتاەۆتىڭ جىرلارى – ۇلتىمىزدىڭ سارقىلماس اسىل قازىناسى. سول ۇلىلىقتىڭ ٸزٸن الا, سٶز ٶنەرٸنٸڭ تۋىن جىقپاي ٸلگەرٸ سٷيرەگەن سىنشى ساعاتحان ەشٸمباەۆ پەن جازۋشى-دراماتۋرگ باققوجا مۇقاي دا وسى توپىراقتىڭ پەرزەنتتەرٸ. ال ايتىس ٶنەرٸنٸڭ ايتۋلى ٶكٸلدەرٸ ەركٸن ٸبٸتانوۆ پەن ورازالى دوسبوسىنوۆ قازاقتىڭ سٶز قۇدٸرەتٸن اسقاقتاتىپ, تٶل ٶنەرٸمٸزدٸڭ مەرەيٸن ٷستەم ەتتٸ. مۇنىمەن قوسا, بۇل قۇتتى مەكەن ۇلت مٷددەسٸ جولىندا ايانباي ەڭبەك ەتكەن, ەل باسقارعان ساياسي جەنە قوعام قايراتكەرلەرٸن دە دٷنيەگە ەكەلدٸ. وسىنداي تاۋ تۇلعالاردى قالىپتاستىرعان رايىمبەك اۋدانى – ەل رۋحانيياتىنىڭ التىن ارقاۋى بولىپ قالا بەرەدٸ», – دەدٸ ايماق باسشىسى.
سونداي-اق مەملەكەت باسشىسى قاسىم-جومارت توقاەۆتىڭ اۋىلدىق ايماقتاردى, ستراتەگييالىق ماڭىزى جوعارى شەكارالىق ٶڭٸرلەردٸ دامىتۋعا, حالىقتىڭ تۇرمىس ساپاسىن ارتتىرۋعا ەردايىم ەرەكشە باسىمدىق بەرەتٸنٸن ايتىپ, وسى باعىتتا رايىمبەك اۋدانىندا دا جٷيەلٸ جۇمىستار جٷرگٸزٸلٸپ جاتقانىن جەتكٸزدٸ. ايتۋىنشا, تابيعي بايلىعى مەن تاريحي مۇراسىن ساقتاي وتىرىپ, اۋدان ەلەۋمەتتٸك-ەكونوميكالىق دامۋدىڭ جاڭا كەزەڭٸنە نىق قادام باسىپ كەلەدٸ. ٶزٸنٸڭ اگرارلىق ەلەۋەتٸمەن ەلٸمٸزدٸڭ ازىق-تٷلٸك قاۋٸپسٸزدٸگٸن قامتاماسىز ەتۋگە, وبلىس ەكونوميكاسىن ٶركەندەتۋگە زور ٷلەس قوسۋدا. رايىمبەكتٸڭ برەندٸنە اينالعان كارتوپ شارۋاشىلىعى مەن دەندٸ-داقىلدار ٶندٸرٸسٸ, مال شارۋاشىلىعى – وتاندىق ٶنٸمنٸڭ التىن ستاندارتىنا اينالىپ وتىر.
«اۋماقتىڭ تۋريستٸك ەلەۋەتٸ دە ٶتە جوعارى. حانتەڭٸرٸ شىڭى, تۇنىق تۇزكٶل مەن تاستاۋ كٶلدەرٸ, شالكٶدە جايلاۋى بۇل ٶلكەنٸ ەلٸمٸزدەگٸ ەڭ كٶركەم ٶڭٸرلەردٸڭ بٸرٸنە اينالدىردى. وسىناۋ قايتالانباس تابيعات بايلىعى ترەككينگ, الپينيزم, ەتنوتۋريزم جەنە ەكولوگييالىق تۋريزمدٸ دامىتۋعا كەڭ جول اشادى. نارىنقول ٶڭٸرٸنٸڭ وسىناۋ ەكولوگييالىق تازا تۋريستٸك مٷمكٸندٸكتەرٸ الداعى ۋاقىتتا حالىقتىڭ ەل-اۋقاتىن كٶتەرەتٸن, ايماق ەكونوميكاسىن ٶرگە سٷيرەيتٸن نەگٸزگٸ قوزعاۋشى كٷشكە اينالۋى تيٸس», – دەدٸ وبلىس ەكٸمٸ.
ايتا كەتەيٸك, رايىمبەك اۋدانىنىڭ مەرەيتويىنا ارنالعان شارالار لەگٸ ٷش كٷن بويى تەڭٸرتاۋ تٶسٸن دۋمانعا بٶلەۋدە. 90 جىلدىققا وراي قاراساز اۋىلىندا «قۇلمامبەتتٸڭ قۇلىنىن قۇنداقتاعان ٶلكە» اتتى ايتىسكەر اقىن ورازالى دوسبوسىنوۆتى ەسكە الۋعا ارنالعان II رەسپۋبليكالىق وقۋشىلار ايتىسى ۇيىمداستىرىلدى. نارىنقول اۋىلىندا اقيىق اقىن مۇقاعالي ماقاتاەۆتىڭ شىعارماشىلىعىنا ارنالعان اقىن-جازۋشىلاردىڭ قاتىسۋىمەن عىلىمي-تانىمدىق كونفەرەنتسييا ٶتكٸزٸلدٸ. سونداي-اق اۋدان ورتالىعىندا وبلىس ٶنەرپازدارى مەن ەلٸمٸزدٸڭ تانىمال ەسترادا جۇلدىزدارىنىڭ قاتىسۋىمەن ٶتكەن گالا-كونتسەرت تۇرعىندار مەن قوناقتارعا مەرەكەلٸك كٶڭٸل-كٷي سىيلادى. ٷش كٷندٸك دۋمان بٷگٸن شالكٶدە جايلاۋىندا قورىتىندىلانادى. مەرەيتوي اياسىندا سونداي-اق «جولان جٷيرٸگٸ» رەسپۋبليكالىق ات بەيگەسٸ مەن ۇلتتىق سپورت تٷرلەرٸنەن جارىستار ٶتەدٸ. بەسەكەنٸڭ جٷلدەسٸ دە قوماقتى. شارا قورىتىندىسىندا تابيعاتتىڭ تازالىعىن ساقتاپ, ەكولوگييالىق مەدەنيەتتٸ قالىپتاستىرۋ ماقساتىندا «تازا قازاقستان» باعدارلاماسى اياسىندا سەنبٸلٸك ٶتكٸزٸلمەك.
