رەسەي ۋكراينامەن اراداعى "استىق كەلىسسوزىن" ۇزارتپايتىنىن انىق بەلگىلى بولعاننان كەيىن، "ءۇشىنشى الەم" ەلدەرىندەگى ازىق-تۇلىك ۋايىمى كۇشەيە باستادى. جۇرتىما قالاي نان تاۋىپ بەرەم دەگەن ەل باسشىلارى قازاقستان جاققا ءالسىن-السىن قاراعىشتاپ قويادى.

قازاقستان بيىل بۋنكەرلىك سالماقپەن كەمىندە 18 ميلليون توننا استىق ورۋدى جوسپارلاپ وتىر. ونىڭ 9 ميلليونىن ەلدە قالدىرسا، قالعان تەڭ جارتىسىن ەكسپورتقا جىبەرمەك.

2022 جىلى استىق بىتىك ونگەندە، ەلىمىز ونى ساقتايتىن قويمالاردى كوبەيتىپ، استىق ساقتاۋ ينفراقۇرىمىن ءبىرشاما جاقسارتىپ العان ەدى.

قازاق استىعىن كىم الادى، بىزگە دە بىردەڭە تيسە عوي دەگەن سىرتتان سۇرانىس كۇشەيە باستادى.

كەدەي ەلدەر قازاقستان باسشىسى قاسىم-جومارت توقايەۆقا قيىن جاعدايدا قۇتقارۋشى دەپ سەنىپ وتىر، ءبىراق بىزگە دە "مىعىم ۆاليۋتا" استىقتى ارزان باعامەن بەرۋ وڭاي ەمەس.

وسى ۋاقىتتا قازاقتىڭ ماڭدايىنا بىتكەن ۇزدىك ۇشاعى Airbus 330-233 ساۋد اراۆياسىنىڭ باس قالاسى ەر-ريادقا تارتىپ كەتۋگە دايىندالا باستادى. ەرتەڭ مەملەكەت باسشىسى «ورتالىق ازيا + شىعاناقتاعى اراب مەملەكەتتەرىنىڭ ىنتىماقتاستىق كەڭەسى» سامميتىنە ۇشىپ بارادى.

ەر-ريادتا ەرتەڭگى كۇن تەمپەراتۋراسى 46 گرادۋسقا جەتەدى دەگەنمەن، ءوزارا ەكىجاقتى كەلىسسوزدەر گرادۋسى ودان دا جوعارى بولاتىنى ءسوزسىز.

ءبىر جىل بۇرىن جازىلعان "قازاقتىڭ ءۇمىتىن ارقالاعان 7 كۇن" بەستسەللەرىندە مۇنداي كەزدەسۋلەر نە ءۇشىن كەرەك ەكەنىن ساراپتاپ تۇسىندىرگەن بولاتىنمىن.

ەلىمىز ىشكى كريزيستىك فازادان شىقسا دا، سىرتقى تولقىنداردىڭ سوققىلارى اۋىرلاپ بارادى. ءدال وسىنداي كەزدەردە Airbas 330 دا جان-جاققا ۇشۋىن جيىلەتەدى.

ايبار ولجاي، قارجى ساراپشىسى.