Qazaqstan biyl býnkerlik salmaqpen keminde 18 million tonna astyq orýdy josparlap otyr. Onyń 9 millionyn elde qaldyrsa, qalǵan teń jartysyn eksportqa jibermek.
2022 jyly astyq bitik óngende, elimiz ony saqtaityn qoimalardy kóbeitip, astyq saqtaý infraqurymyn birshama jaqsartyp alǵan edi.
Qazaq astyǵyn kim alady, bizge de birdeńe tise ǵoi degen syrttan suranys kúsheie bastady.
Kedei elder Qazaqstan basshysy Qasym-Jomart Toqaevqa qiyn jaǵdaida qutqarýshy dep senip otyr, biraq bizge de "myǵym valiýta" astyqty arzan baǵamen berý ońai emes.
Osy ýaqytta qazaqtyń mańdaiyna bitken úzdik ushaǵy Airbus 330-233 Saýd Araviiasynyń bas qalasy Er-Riiadqa tartyp ketýge daiyndala bastady. Erteń Memleket basshysy «Ortalyq Aziia + Shyǵanaqtaǵy arab memleketteriniń yntymaqtastyq keńesi» sammitine ushyp barady.
Er-Riadta erteńgi kún temperatýrasy 46 gradýsqa jetedi degenmen, ózara ekijaqty kelissózder gradýsy odan da joǵary bolatyny sózsiz.
Bir jyl buryn jazylǵan "Qazaqtyń úmitin arqalaǵan 7 kún" bestsellerinde mundai kezdesýler ne úshin kerek ekenin saraptap túsindirgen bolatynmyn.
Elimiz ishki krizistik fazadan shyqsa da, syrtqy tolqyndardyń soqqylary aýyrlap barady. Dál osyndai kezderde Airbas 330 da jan-jaqqa ushýyn jiiletedi.
Aibar OLJAI, qarjy sarapshysy.
