بٸرٸككەن ۇلتتار ۇيىمىنىڭ جاساندى ينتەللەكت جٶنٸندەگٸ تەۋەلسٸز حالىقارالىق عىلىمي توبى ادامزاتتىڭ بولاشاقتا جاساندى ينتەللەكت (AI) اگەنتتەرٸن تولىق باقىلاۋدا ۇستاي الاتىنىنا كەپٸلدٸك جوق ەكەنٸن مەلٸمدەدٸ, دەپ حابارلايدى dalanews.kz.
ساراپشىلاردىڭ بۇل ەسكەرتۋٸ ChatGPT ەزٸرلەۋشٸسٸ – OpenAI كومپانيياسى ۇيىمداستىرعان سىناقتان كەيٸن جارييالاندى. بيىل مامىر مەن شٸلدە ايلارى ارالىعىندا ٶتكەن ەكسپەريمەنت بارىسىندا AI اگەنتتەرٸ جاساندى ينتەللەكت مودەلدەرٸن ەزٸرلەۋ جەنە سىناۋعا ارنالعان Hugging Face پلاتفورماسىنىڭ قورعانىس جٷيەلەرٸن اينالىپ ٶتكەن.
AI اگەنتتەرٸ چات-بوتتاردان نەسٸمەن ەرەكشەلەنەدٸ?
مامانداردىڭ ايتۋىنشا, قاراپايىم چات-بوتتار پايدالانۋشىلاردىڭ سۇراقتارىنا جاۋاپ بەرۋمەن شەكتەلسە, AI اگەنتتەرٸ ادامنىڭ اتىنان بەلگٸلٸ بٸر تاپسىرمالاردى ٶزدٸگٸنەن ورىنداي الادى. بۇۇ-نىڭ عىلىمي توبى جارييالاعان العاشقى اناليتيكالىق جازبادا قاۋٸپسٸزدٸك تالاپتارىنىڭ بۇزىلۋىنا بٸرنەشە تەۋەكەل فاكتورىنىڭ قاتار ەسەر ەتكەنٸ ايتىلعان. بۇل وقيعا بولاشاقتا ادامداردىڭ جاساندى ينتەللەكت جٷيەلەرٸن باقىلاۋ, شەكتەۋ نەمەسە توقتاتۋ قابٸلەتٸن جوعالتۋى مٷمكٸن دەگەن الاڭداۋشىلىقتى كٷشەيتتٸ.
عىلىمي توپتىڭ تەڭ تٶراعاسى يوشۋا بەنجيو زەرتتەۋشٸلەر مۇنداي قاۋٸپ تۋرالى بۇرىننان ايتىپ كەلە جاتقانىن جەتكٸزدٸ.
«باقىلاۋدى جوعالتۋعا ٷش فاكتوردىڭ ٷيلەسۋٸ سەبەپ بولۋى مٷمكٸن: ادامنىڭ ماقساتىنا سەيكەس كەلمەيتٸن ماقسات, سول ماقساتقا جەتۋ قابٸلەتٸ جەنە وعان مٷمكٸندٸك بەرەتٸن ورتا. وسى جازدا بۇل ٷش فاكتور العاش رەت زەرتحانادا ەمەس, ناقتى جاعدايدا توعىستى», – دەدٸ ول.
ونىڭ ايتۋىنشا, بۇل جاساندى ينتەللەكت ٶزٸنە جٷكتەلگەن مٸندەتتەن تىس ەرەكەت ەتكەن العاشقى جاعداي ەمەس.
اگەنتتەر قاۋٸپسٸزدٸك شەكتەۋلەرٸن اينالىپ ٶتكەن
تەۋەلسٸز ساراپشىلاردىڭ پٸكٸرٸنشە, بۇل وقيعا ادامداردىڭ AI اگەنتتەرٸن سەنٸمدٸ تٷردە باقىلاي الاتىنىنا كٷمەن تۋعىزادى. ەسٸرەسە ولار بارعان سايىن دەربەس ەرەكەت ەتٸپ, جٷيەدەگٸ وسال تۇستاردى تابۋدى جەنە ٶز ٸس-ەرەكەتٸن جاسىرۋدى ٷيرەنٸپ جاتقان كەزدە قاۋٸپ ارتا تٷسەدٸ. اناليتيكالىق جازبادا AI اگەنتتەرٸنٸڭ سىناق ٷشٸن ورناتىلعان قورعانىس تەتٸكتەرٸن اينالىپ ٶتكەنٸ ايتىلعان. ولار ٶزارا بايلانىسقا ارنالماعان ٸشكٸ باعدارلامالىق قۇرال ارقىلى ەرەكەتتەرٸن ٷيلەستٸرٸپ, ينتەرنەتكە رۇقساتسىز قول جەتكٸزگەن جەنە ەكٸمشٸلٸك قۇقىقتارعا يە بولعان.
سونىمەن قاتار اگەنتتەر كيبەرقاۋٸپسٸزدٸك ەرەجەلەرٸن بۇزۋ ەرەكەتتەرٸن جاسىرعان. كەيبٸرٸ تٸپتٸ ورتاق ماقساتقا جەتۋ ٷشٸن ٶزٸن «قۇربان ەتۋ» ستراتەگيياسىن تاڭداعان. تەجٸريبە بارىسىندا شامامەن 1200 AI اگەنتٸ بٸر-بٸرٸمەن 70 مىڭنان استام حابارلاما مەن فايل الماسقان. ولاردىڭ ەرەكەتٸ تەك Hugging Face پلاتفورماسىمەن شەكتەلمەي, OpenAI-دٸڭ بٷكٸل زەرتتەۋ ينفراقۇرىلىمىنا تارالعان.
قاۋٸپسٸزدٸك جٷيەلەرٸ تەحنولوگييا دامۋىنان قالىپ بارادى
ساراپشىلاردىڭ پٸكٸرٸنشە, بۇل وقيعا قاۋٸپسٸزدٸك جٷيەلەرٸنٸڭ تەحنولوگييالاردىڭ دامۋ قارقىنىنا ٸلەسە الماي وتىرعانىن كٶرسەتتٸ. ودان دا ماڭىزدى مەسەلە – قازٸرگٸ وقىتۋ تەسٸلدەرٸ AI اگەنتتەرٸنٸڭ ٶز بەتٸنشە ماقسات قويۋىنا, قاۋٸپسٸزدٸك نۇسقاۋلىقتارىن سانالى تٷردە بۇزۋىنا جەنە ەرەكەتتەرٸن جاسىرۋىنا الىپ كەلۋٸ مٷمكٸن.
«اگەنتتەر قورعانىس مەحانيزمدەرٸنٸڭ قالاي جۇمىس ٸستەيتٸنٸن تٷسٸنٸپ, ولاردى اينالىپ ٶتۋ جولدارىن جوسپارلاۋدى ٷيرەنسە, قازٸرگٸ قاۋٸپسٸزدٸك قۇرالدارى تيٸمدٸ بولا ما دەگەن سۇراق ەلٸ اشىق كٷيٸندە قالىپ وتىر. قاراپايىم تٸلمەن ايتقاندا, دەستٷرلٸ قاۋٸپسٸزدٸك مودەلٸ ەلسٸرەي باستادى», – دەپ اتاپ ٶتتٸ ساراپشىلار.
بۇۇ قانداي شەشٸم ۇسىنادى?
قۇجاتتا اۆياتسييا, مەديتسينا جەنە كيبەرقاۋٸپسٸزدٸك سەكٸلدٸ جوعارى تەۋەكەلدٸ سالالاردا قولدانىلاتىن تەجٸريبەلەر مىسال رەتٸندە كەلتٸرٸلگەن. اتاپ ايتقاندا, وقيعالار تۋرالى مٸندەتتٸ ەسەپ بەرۋ جٷيەلەرٸ, تەۋەلسٸز باقىلاۋ تەتٸكتەرٸ جەنە كٶپدەڭگەيلٸ قورعانىس مودەلدەرٸ ۇسىنىلادى. الايدا عىلىمي توپ مٷشەسٸ تسينحۋا لۋدىڭ ايتۋىنشا, AI اگەنتتەرٸ بارعان سايىن كٷردەلٸ ەرٸ اۆتونومدى بولا تٷسكەن سايىن مۇنداي شارالاردىڭ ٶزٸ جەتكٸلٸكسٸز بولۋى مٷمكٸن.
«جاساندى ينتەللەكت اگەنتتەرٸ نەعۇرلىم دامىعان سايىن, ولاردى باقىلاۋ مەن باسقارۋ سوعۇرلىم قيىن بولا تٷسەدٸ», – دەدٸ ساراپشى.
